سجل.دخولك.ببيت.شعر.ابوذيةاو.دارمي

**nosnos** · 2010-01-08, 10:34 PM

بيدي للجم بجرحي وكلبه
وينصحي مادخل عكله وكلبه
انا دوم ويه الدهر العب وكلبه
لعبت وياك دار الفلك بيه

**sυρєянυмαη** · 2010-01-09, 04:31 PM

برحي احس موجود
يايوم اليه تعود
وانسه الليالي السود
وترجع الـــــــــــــــيه

**عراقية كوول** · 2010-01-09, 04:58 PM

الك اشتاك كل لحظة
واحسك بالقلب نبضة
اذكرك حتى لو تنسى
واحبك ترضى ماترضى

**nosnos** · 2010-01-09, 08:27 PM

لويت الدهر مافد يـــوم حنيت
وديا من دموع العــــين حنيت
ييمه اوداعتج هالـــــيوم حنيت
أوشلت نار الدمع بجفوف أديه

**nosnos** · 2010-01-09, 08:27 PM

وسفه الدهر شتتــكم وطركم
حسافه ماكـضه منهم وطركم
بذجركم هذا انه اهذي وكركم
يعيد الله شتتـــكم جمع ليه

**nosnos** · 2010-01-09, 08:27 PM

أنا ماحسبت لن شــوقك وبالي
وعودي ذبل بفــــــراقك وبالي
أقوم أنا أويا الربع واقعد وبالي
بويا يمك ولشـــــواق أدور بيه

**nosnos** · 2010-01-09, 08:27 PM

هذا البيه كنتـــم لايميني
وعذر مافاد بيــكم لايميني
لو تكتف يسـاري وي يميني
هذاك انه الهوى غالب عليه

**nosnos** · 2010-01-09, 08:28 PM

بــودادك آخ للـــــــــــدلال فخار
جدب كلمن عليه الجـــــــد فخار
اختلاج الناس من صلصال فخار
وحبيبي اختلق بالقـــــدره العليه

**nosnos** · 2010-01-09, 08:28 PM

روى الزيتون من دمعي ولاراك
أوغيرك مانحل جسمي ولاراك
أخاف أطول غيبتكم ولاراك
وعند وصلك تدانيني المنيه

**nosnos** · 2010-01-09, 08:28 PM

دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه

الموضوع: سجل.دخولك.ببيت.شعر.ابوذيةاو.دارمي