الى بنات العراق

[حمكي]

عراقية والنعم منهه وسمـــــــــــــــــهه

شالت هم الـــــــــــــــوطن فوگ همهه

بنات البلد لؤلؤ وعقد مرجــــــــــــــان
احتار القلم شيكتــــــــــــــــــــبلي عنهه



بنت الانبار
بنت الانبار استاذة بالكرم وتحسن الملگة
شعب طبي وعلاجك يمهــــــــــــــــه تلگة
تجر الروح وتــــــــــــــملي الگلب حرگة
يعونة النزل عدهم وشرب مي منديهه

بت واسط

بت واســــــــــــــــــــــط حرة والف حرة
اصالتهه من النــــــــخل كحيلة السمرة
ما تعرف زعل والـــــــــــروح خـــضرة
الچ مني السلام وارقى التحية


بت بغداد
بت بغداد محتــــــــــــــــــــــار بأمرها
انيقة والدلع مرافگ عمــــــــــــــرها
ضيگ حيل مسودني خــــــــــــــصرها
هي المشكلة وحل القضية




بت النجف
بت النجف رزنة وطــــــــــــنون هيبة
نور وجنـــــــــــــــــــاتهه التايه يجيبة
موسوعة علم ما تدفع ضــــــــــريبة
تربات المراجــع والمرجعية



بت العمارة
شسولفلك علــــــــــــــــى بت العمارة
العاشرهن يبخته طالـــــــــــت عمارة
الوفى دربة عليـــــهن والله ومسارة
كبرياء الهور وصفات الطير بيهه



بت كربلا
بت كربلا رقة وحــــــــــــــــــــــــــلاوة
ابتسامتهه خفيفة ومشيــــــتهه بهداوة
لاتعرف جفة لا تــــــــــــــــعرف قساوة
وفى تربة الگاع معجونة بيهه



بت ذي قار
بت ذي قار لا تنــــــــــــــــشدني عليهه
احتار الفكر منهه وعليــــــــــــــــــــهه
كل صفـات الحســـــــن مجموعة بيهه
تلميذة مضايف والكرم بيهه



بت الحلة
بت الحـــــــــــــــــلة طيبة وطيب زايد
الوجنات الوردة والـــــــحواجب گلايد
نصبن الكل گلب بصري مصـــــــــايد
خد مربى وخد گيمر السدة



بت الموصل
بت الموصــــــــــــــل مزيونة وشگرة
بشوفتهه من كل مرض تـــــــــــــــبرة
قطعة من الفرح ضــــحكة ومـــــسرة
اربعتهن ربيع فصولهه هي




بت السماوة
هايم انه ابت السمــــــــــــــــــــــــــاوة
هي الغلا وهي الغــــــــــــــــــــــــلاوة
خفيفة دم ومعجونة بشقــــــــــــــــاوة
شاخصة مثل نخلاتهه هي



بت تكريت
اسألت گالو الحـــــــــــــليوة من تكريت
بنات مدسترة ومنـــــــــــــــورات البيت
الوجنة ضوة والـــــــــــــــخدين جكليت
بنات العز والمرجلة هية



بت الشمال
بت الشمال مــــــــــــــــــــجرش جسمهه
مثل الجـــــــــــــــــــــــبل ثابت كل حسنهه
دهوك وسليمانية واربيل يالتسئلني عنهه
تتكاسر بحلاوتهه وية الناصرية




بت ديالى
بت ديالى الاصــــــــــــل هي والاصالة
برتقالة بالشــــــــــــــكل وبالعگل فالة
همك صـــــــــــــــــبرهن اتكفل وشالة
بيهه اروع صفة واروع سجية

احدث المواضيع:

• اهات غريب
• ولدت في بلد أسمهُ العراق
• سجل حضورك بمحافظة من محافظات العراق
• ~|~بأيد وحده نرسم خارطه العراق~|~
• الشوق يبحر يا عراق
• كم انتة كبير يا عراقي
• (علـّميـهم يـا بـغـداد )
• سر ساعة بغداد
• الكل يسجل حضورة بالمنتدى بـ 3كلمات حلوات (ابقة احبك يا عراق)
• رسالة من ام لابنها في الغربة

[عراقية كوول]

الله الله
مشكووووووووووووور ورده
كلمات روعه
ونستاهل احنه هههههههههههههههه
تحياتي

[طيف الدليمي]

حبي مششششكور بس الموضوع مكرر

هذا الموضوع اني ضايفه

[الوردة البيضاء]

يمة فدوة لعينه ماكو احلى من عدنا
يسلموووو حلووووة كتير
تحياتي

[حمكي]

منوره عراقيه كوووول شكرا على مرورج الحلوو
حب طيف اني شفت ماكو ونزلتله فا ما اعرف اذا موجود لو لا
واذا موجود بيكم تنقلو للرشيف منوره ورده

ورده البيضاء منوره عيوني وطبعا بنات العراق يستاهلن
تحياتي

[دمعة ألم]

بت بغداد
بت بغداد محتــــــــــــــــــــــار بأمرها
انيقة والدلع مرافگ عمــــــــــــــرها
ضيگ حيل مسودني خــــــــــــــصرها
هي المشكلة وحل القضية

موضوع قمة بلروعة
عاشت الأيادي وردة
تحياتي

[عراقيه حلوه]

بت كربلا
بت كربلا رقة وحــــــــــــــــــــــــــلاوة
ابتسامتهه خفيفة ومشيــــــتهه بهداوة
لاتعرف جفة لا تــــــــــــــــعرف قساوة
وفى تربة الگاع معجونة بيهه

عاشت ايدك رائع

[♥ رووعَ ــهْ [بإِحْ ــسآسِيـﮱ♥..]

بت النجف
بت النجف رزنة وطــــــــــــنون هيبة
نور وجنـــــــــــــــــــاتهه التايه يجيبة
موسوعة علم ما تدفع ضــــــــــريبة
تربات المراجــع والمرجعية
يسلموووووووا عيوني حمكي
تحيااااتي وودي

[حمكي]

منورات بنوتات
تحياتي