أحس ليلي ليمر ذيب وينام وياي

[مـوتـي ولا مـوـت أحسـاسـي]

أحس ليلي ليمر ذيب وينام وياي
يظل ينهش دليلي الطلعة انهاري

شتفيد السوالف بيــه نار وضيم
تظل حسرة وعبرتي مطرزه إشعاري

اعذروني الدمع ماخله ليــه أفراح
ولا ظل للفرح بشعاري من طاري

اليوم أكفت رحيل وفاركَتني أتنوح
ومن كَد ألبجي مني ارتحل جاري

يا دمع أشوكت سولفلي بالله أرجوك
لي يمته وتظل فوكَ الوجن ساري

الناس أهواي بلّوتها وألمها يهون
وانأ فدكَي أبعزيز الروح متواري

يوميه الصور تجرح نظرها العين
بكل صوب وكتر صوره ألها بدياري

أمي وبيه حسرة أتهدل الجبال
وعليج الحد لحظتي اموجره ابنا

صُبن حيل دمجن ونعي أم يعيون
بعد أجرا عليمن اكتم الجـــاري

أصيح أمي ويرد مخنوكَ عبره الصوت
مثل خنجر يرد ويكَطع أوتاري
من كَد الصراخ اتكَطعن أوتاري

ياناس يوم الفكَد مدري دمه لو مي
ألسال من مهجتي مانفع بي لومي
لومي عليه بعد يا دنيتــــي لومي

شيفيد اخذني الحزن مافادني الوني
وبجلاي ذيبه ومجاري أنيابها الوني
لو يرد ليه الرحــــــــل وينفع الوني

والله طول العمر لبجي أبدمه لمي
تستاهل أبجي ألدمه هاي ألحنينه أمي
آه يافقد الأحباب

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[دمعة ألم]

يسلمو وردة
شعر جميل
عاشت الايادي
تحياتي

[الماسة الزرقاء]

مشكورررررررره ياورده
على الكلام اجميل
تحياتي

[مـوتـي ولا مـوـت أحسـاسـي]

يسلمووو عالمرور عيوووني.

[حمكي]

عاشت الايادي
دوم الابداع
نتضر كلشي حللووو ومميز
تحياتي

[nosnos]

كلمات رووووووووووووووعة
عاش ذوقك وردة
تحياتي الك

[مـوتـي ولا مـوـت أحسـاسـي]

يسلمووو عالمرور .