وجه لو خارطة احزان ؟؟؟

**مـوتـي ولا مـوـت أحسـاسـي** · 2010-02-23, 10:48 PM

يسئالني صديق بطران

وجهك ليش صاير خارطة احزان

وجهي بكثر مامرت عليه اهموم

تغطة بلون حزنة وتيه العنوان

من وكت الطفولة لحد مشيب الراس

خاويت العذاب وشفت منة الوان

واحتار بصفنتي وصفنة الباقين

واموت من الحزن لو كابلت حزنان

وشفت بهال زمن وشلون شفت اوجوه

وجوه اعيون بيهة وماكو عدهة لسان

ويسئالني صديق بطران

وجهك ليش صاير خارطة احزان

لا مو من حزن هذا الوجه تعبان

ولا من خوف ماتت بسمتة وضل تايه وحيران

من صحبة مصالح همهة بس غايات

واليوكع بشدة انباع للنسيان

من نشمي وكع ما بين ناب وناب

واتوسد همومة ولا ذل بالحيطان

من لون السوالف وهمس كلة اظنون

من ثكل البشر لو يخفف الميزان

من وحشة ادروب وظلمة وجه الليل

ولو تهت بشوارع ما شفت خوان

ومن دولايب وكتي التيه الخطوات

وتعبني وضعت ما شفت مثلي انسان .