~*¤!||!¤ ذكريـــات عـلى الجــرح ¤!||!¤*~

**๑♥๑ R.O.m.A.N.C๑♥๑** · 2010-03-05, 12:11 AM

الســلام عليكم ورحمه الله وبركاته ..السلام عليك يا وطن السلام
السلام عليكِ يا ذكريات الزمـن الجميل

اليوم كّلت خلي ابجي الطالعين برة شويه هاع
فطيتلكم جم صورة تذكركم بالايام الخوالي
ايام ما اعتقد احد يكدر ينساهه
يله شوفوا

¤!||!¤¤!||!¤

أيــام الشته ما تنسي .وخصوصاً من نكون مكَرفعين من البرد وملتفين بالبطانيه وكلها كاعده على الزوليه
وأحلى فقره من نحط الكتلي على الصوبه
ومن يجي فلم السهره تحمي الكستانه وعلى غفله تنفجر عليك ((سعاااااااااااده))

............................................
ليش والصـمون الحار أبو الكَاع وأول ما يجي تسوي لفه مال موز نوتيلا هع الللللللللللله
والكَمع مالته ..مستطيل مدعبل تلكَي مثله

...............................................
والخوبوز أول ميجي بس يعجبك تكرزه
وتحط جبن ونعناع ايباااااااااااااااا
مو خبز تكول فوستوق

.....................................
وين أكو أحله من يوم الجمعه وريوكَ يوم الجمعه
والعائلة كولها ملتمه والميز كله كيَمر والخواشيكَ هناك وهنا
وتبدي العركه منو ياخذ القطعه الأكبر
وكالعاده لو تنتهي بعركه لو كل واحد ينكتل ويكَعد عاقل

....................
الكبــاب والشماطه طوي أقصد الطماطه شوي
وويه البوصل واللفه تغدي بخته من الحراره وأهم شي الكمع اللللللللللللللللله

......................................
ونجي على العيــد
وكليجه أم التمر بالسمسم
والله العيد من غير الكليجه مو عيد

....................................
وأحلى شي بالعيد فقره الغده ((بعد العيديات موباشرة))
القووووووووووووووووووووووزي الحااااار
وتفتح الجيس تطلعلك البوخه وتدوخوتباوع منا منا وتبدي تثرد وعلى غفلله تجي الوالده وتكَرصك شلون كَرصه ويطلع العيد من خشمك

..............................................
ووره الغده ماكو أحلى من استكان الجاي أبو الهيل
يعدل الدماااااااااااااااااغ

..............................

وفي أيام الصيف الموشمسه والكهرباء مطفيه
وأبو المولده مخلص كاز
وكَلبك محروكَ على الكبد
ماكو أطيب من الركَي ينزل على كَلبك مثل الثلج
بررررررررررررررررررررررررر

.................................

وفلم الضهر ما يحله أله على الهوه المبرده
وتجيب كاسه وبيها خيار وتكَعد تعزف

...........................................
واللبلبي وما أدراك ما اللبلبي
احلى لحظات من تكون ميت من الجوع وهستوك طالع من المدرسه وشفت ابو لبلبي وكتل عليه مثل الذبان بحيث بودك تسوي تفجير انتحاري
وشوف الكاسه الي تنكَط ورد

.........................................
وأكيد ما ننسه بت عم اللبلبي خاله فاصوليه بللحم
ويه التمن
بودك تذب زروكَ بالماعون

..........................

الكَريــــعات ..وما أدراك ما الكَريــعات
علم من أعلام بغداد (اللللللللللله)
أحلى هوه وأحلى سمج
وأحلى صفكَه لأحلى كريعات

..................................
أيــام الشباب الزيزفوني
أيام الأبتدائيه جانت سفراتنه كولها لو للريحانه لو برج بغداد
ومن نروح برج بغداد عبالك برج أيفـل ممصدكَيــن

.....................................

ليــل بغداد .. أجمل لوحة
سبحان الي صورها
الي يشوفها يكَول لا فيكَاس براس السنه اي والله
ومثل ما يكَول السياب
الشمس أجمل في بلادي من سواها ..والظلام حتى الظلام أجمل
فهو يحتضن العراق

...............................
أحلى ما في الذكريات انها في العراق
ودعونا نرى ذكرياتكم وأحلى لحظاتكم
على
بغداديــــــــــــات
مش حتأدر تغمض عينيك

تـــــح يــا تــي

احدث المواضيع:

**مـوتـي ولا مـوـت أحسـاسـي** · 2010-03-05, 12:14 AM

اووويلي احله شي الكريعات والمبرده والكاهي يبووو .

مشكووور عيوووني.

**๑♥๑ R.O.m.A.N.C๑♥๑** · 2010-03-06, 01:59 AM

شكرا على المرور منورة

**شمس الحب** · 2010-03-06, 11:20 AM

اف اف شنو هاي عيني
صدوك راح تبجيهم
اذا اني بالعراق ودمعت عيوني لان صدوك دنفتقدهن هذي الايام
عاشت ايدك ورده
اتمنالك المزيد من التالق والابداع
تحياتي
شمس الحب

**HamaDa** · 2010-03-06, 12:00 PM

الله شكد حلوة بغداد
صور رائعه
اني صفنت على الصور

هع
عاشت الايادي عيوني
دوم الابداع
تحيااتي الك

**طيبتي اكبر همومي** · 2010-08-08, 08:31 PM

اروح فدوه لعراق وترابه يسلموووووووووووووو ورده تحيتي

**ورد البنفسج** · 2010-08-08, 08:46 PM

الله الله
شنو هاي والله حتخبل
بعد ماكو عقل ههههه
عاشت الايادي ورده
دوم الابداع
تحيتي

الموضوع: ~¤!||!¤ ذكريـــات عـلى الجــرح ¤!||!¤~

أدوات الموضوع