الگلب واحد بس جمع نصين

[L•َِOَِ•Y•َِUَِ•S]

الگلب واحد بس جمع نصين
بس نصي انجسم وبهجرك توزع
وذا نصك تركني انذبح بجفاك
لان نصي اعله نصك حبنه يتولع
اذا حبنه انكتب وانصاغ بالنصين
ليش امن الخلك ياگلبي متوجع
لان ولفي الخشف ويتناوشه الذيب
وذا الصايد يقر من لحمه يتگطع
كلش مرتعب خافن يمسك طيف
اذا خافن يمسك گلبي يتجزع
ماريدن بشر ينظر الك ولهان
لازم وحدي وبيك انه اتولع
ولك ادمع جمر من اسمك يذكروه
ماريد اللفض بلسانهم ينبع
حبيتك نقي ! واتلهف لملگاك
وموعين العذب چن عينك الاوسع
وجلدك مهد وانته الطفل ملفوف
ولمسات البشر للفافك تبگع
يالدمعك حفر جوف الجلد ينساب
وشغاف الجلد موش المقل تجمع
شريان الدمع يمشي بترافه وياك
على صدرك نبع مناك چن تدمع
بس دمعي اختلف عنك فرد نوب
كل دمعه الغفت تسال بعد ارجع
يالكلك ترف مثلك فلا موجود
لان وجهك مقل وعيونك المدمع
يالشعرك سحر نور انعكس والتاف
وذا رف الشعر عين الشمس تفجع
يالضربة جدم رن السلف وياك
واذا صار الشفق ما يضرب المدفع
افطر وانتشي من گيمر الوجنات
وبشفتك عسل ترويني واتمتع
جنت ويه الغزل اخجل بعد ماشوف
لا هسه الغزل من نگعد ونطبع
شفتي اعله شفتك نتبادل البوسات
واذا عندك بعد صدكني اتطمع
وذا ايدي ويه زندك تفتر الايدين
والزم يمنتك من يمنتي واهجع
وارتاح بمقامك وتتسطر الشفتين
ولحد الفجر چا من العشك ابزع
بس اليعشگك چن عاشك الفردوس
لايبزع عشك لا منها يتوگع
كل هذا الولع وتكلي ليش الخوف
راح احجي الشرط اتسنط واسمع
لاريدن بشر تشتم عطر فدواك
ولاريدن هوى ويه الجتف يدفع
انه تشرطت حبني مثل ما اريد
چي انته المحب ولگلبي ما تبزع
هذا انه الولف وانته الولف للروح
مجسوم الگلب ولحبنه يتجمع

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[دمعة ألم]

واو
رووووووووووووووووعة
عاشت الأيادي على ماخطت من إبداع
تحياتي إلك يامبدع
لا تحرمنا من جديدك المميز دائما
تقبل مروري البسيط
دمعة ألم

[L•َِOَِ•Y•َِUَِ•S]

تسلمين ورده
من ذوقج هذه

[nosnos]

• عذراً منك ساعلن الصمت هنا
• فحروفك تجبرنـا ع المرور بصمت
• فقلمـك صمت احترماً وسكون اًلسطور
• تجملت بها مشاعرنـا ...
• تقبل مروري
• ولكنهُ ليس مرور ساكن
• هنـا ساكون دائماً قارئه لقلم متميـز متالق
• باختيار اجمل الكلمات واعذبهـا ...
• ساتابع بصمت ..
• فقط .. انت رائع

[sυρєянυмαη]

عاشت الايادي
تحياتي

[CoOoL G!rL]

عاشت ايدك وردة
كلش حلووو
دوم الابداع
تحياتي

[L•َِOَِ•Y•َِUَِ•S]

شكرا عيوني
نورتو القصيده

[الماسة الزرقاء]

ابدعتي الكلام
والحروف بكلامك الجميل تحياتي الج