لمــــــــحتك

[nosnos]

لمحتلك.. الف مرة
وانت تعرف غايتي وما طاوعتني
وسولفتلك سالفة عاشگ خجول
وانت تعرف هو ياهو وماعرفته وخجلتني
وسولفتلي اعله الحرب والموت والدم والضحايا
وكلمة المحتاجها ما سولفتلي
وكلشي گتلي
وكلمة الميت عليه
عاندت روحك عليها وعاندتني
وبينن كلهن عليك
وانتفض وجهك بوجهي وصيحتني
وضيعتني...
وهسه من طاحن اسنيني اتذكرتني
ليش من گلبك رجف ما صالحتني
وشبيك من عينك خذتني
اتذكرت موقف بجيت وطيحتني
ومن اجيتك .. حتى بحچاية جذب ما جاملتني
وانا جيتك ..
غاسل جفوفي بورد من سلميت
وانت غاسل جفك بماي الغرور من صافحتني
وكل شي ما بين عليك
وانا حتى هدومي تهواك واحسن فاضحتني
يشكن ايامك خسارات وضياع
وانه چي حبيتك سنيني احسن رابحتني
جان من ضلعي خشبها بلام روحك
وعبرت حتى اليكرهك بيهن وماعبرتني
وشاغ گلبك
من سمع طاري الجرح وجفوفي ركضن صبرنه
وانت ياصاحب اجروحي
اللا عفتني ابجي جروحي ولا من صبرتني
مرة غازلتك جذب واتورطيت
والف مرة اتعذرت وما سامحتني
وتزعل وتاخذ عيوني وما اكلك
شوخذت كل شي لجن ما صالحتني
وصالحيتك وصاحبيتك
وانت انت
صاحبت شعري وابد ما صاحبتني

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[مـوتـي ولا مـوـت أحسـاسـي]

مشكووورة وردة.

[L•َِOَِ•Y•َِUَِ•S]

عاشت ايدج ورده
قصيده روعه

[sυρєянυмαη]

يسلمووووو
تحياتي

[sυρєянυмαη]

يسلموووووو
تحياتي

[nosnos]

يدللو منورين
تحياتي

[CoOoL G!rL]

يسلمووو وردة
عاشت ايدج
تحياتي

[nosnos]

يدللو منورين

[الماسة الزرقاء]

عااااااشت ايدج يا ورده
شنو هالكلام الرائع
تحياتــــي الج

[nosnos]

يدللو وردة
تحياتي الج