جولة في بغداد الحبيبة بالصور

**Tamara** · 2008-07-01, 11:39 AM

نبدأ رحلتنا وياكم هذا اليوم من جسر الشعب في الرصافة..
الارهابيين يريدون يدمرون العراقيين فراح نحبسكم عنهم بحياطين كما في الصور التالية..

ثم ننطلق على شارع القناة (بسرعة العربانة) والذي أصبح أطول ممر كونكريتي في العالم!

وتنتقل واجهات المحال التجارية على الجدران.. وهذا أظرف عنوان مو بالله؟

واذا متعرف من وين تدخل للمحلة فراح تضيييييييييع..

ما هي علاقة عقارات عبدالزهرة الساعدي مع عقود السيارات؟ بالعراق كل شيء ممكن!!

المهم أن تعبر بسلام..

شلون ضارب دالغة.. الله أعلم كم هم برأسه..

تره بعدنا بشارع القاهرة..

في العراق كلشي مستنسخ.. تريده عادي أو ملون

بس أريد أفتهم شنو هاي الثقوب بظهر السيارة؟ شنو بالعراق يفتحون البنيد بطلقات بدل المفتاح؟

شلون واجهة تجارية رائعة؟

البناية في الخلف كانت أكبر مطبعة في العراق.. هسه حواسم..

باب المعظم..

الفوكس واكن العريقة بعدها تشتغل بالعراق.. والبناية أمامها هي وزارة الصحة

نعم أعرف ركزتوا على الطفل اللي ديبيع باكيتات كلينكس ليعيش.. نموذج للطفولة العراقية البائسة

وزارة الصحة..

ومدينة الطب..

جسر باب المعظم يم وزارة الدفاع.. انتبهو على الرصيف

لالا هذا مو رصيف مخربط وهسه راح يعثر بيه واحد والناس تكول صمله (اسم الله)..
هذي يمكن منصة اطلاق صواريخ تستعد للفتح التلقائي..!

منطقة شارع حيفا كانت ساحة معارك طاحنة.. هسه اقربلكم البناية

اييييه عمارات شارع حيفا.. بس تره ماكو مصاعد والدرج ظلمة اصعد على مسئوليتك

محطة القطار أمام علاوي الحلة.. أكو أبو خليل بالعراق ميعرفها؟

ازدحام مروري رايحين باتجاه المنصور.. أحد انتبه لشخص بوضع غريب بالصورة؟

شكد حلو بالعراق كل شيء وارد..!

دفاعنا المدني على الأرض ودفاعهم الجوي بالسما.. يلله ديسهرون على حمايتنا

وتحجون عالحزب والثورة.. اي مو حتى مولدات شدينالكم شتردون بعد؟ وتكولون ماكو منجزات
(اعتبارا من 1/4/2008..!!!)

وهاي ساحة عنتر

النصب الوحيد اللي ما تفلش يمكن لأن عنتر ما كان من أنصار النظام السابق..
أو يمكن لأن لابس عمامة؟

**Zaid Al Hialy** · 2008-07-01, 09:18 PM

لا ترة ميصير هيجي
والله راح ابجي
مشتاق لبغداد
واااااااااااااع

**JoJo 4 ever** · 2008-07-01, 10:30 PM

عاشت الايادي عالموضوع البديع..

**tarkan** · 2008-07-02, 03:09 PM

والله عفيه عليج مفتره بغداد كلها بس شجابج لشارع فلسطين يمكن اعرفج لان فتي من يم الطبيه والاسنان خخخخخخخخخخخخخخخخخ

**HiT_M@n** · 2008-07-03, 10:37 PM

خخخخخخ..

صارلي ساعه دا اتفرج ..

ورجلي بالشمس ..

تسلمين على الصور الحلوة ..

عاشت ايدج ورده ..

**StaY WitH Me** · 2008-07-15, 05:30 AM

معليه هسه ترجعوني لبغداد هع

ثانكــ،،،ــ

موضوع قمة الابداع

**Tamara** · 2008-07-15, 10:18 AM

شكرا لمروركم جميعا اي والله اني هم اريد ارجع معلييييييييييية ضجت

الموضوع: جولة في بغداد الحبيبة بالصور