بغداد أمي الحزينة

[الوردة البيضاء]

السلام عليكم ورحمة الله وبركاته

شلونكم شباب وبنات يا ربي تكونون بخير

جبتلكم قصيدة حزينة على بغداد






بغداد
يا وردة كطعو عنج الماي وذبلتي
ويا شجرة بيج ما بقوا للحمام اغصان
يالي انلجمت اجروحج وما يوم تبسمتي
وبقى اسمج لكتاب الحزن يا حبيبة عنوان
وصرتي قصة الم بدموع يحجيها الزمان
ودعتي الفرح وبجروحج يا يمة شريتي لحزان
وعزفولج على جروحج اقسى وامر الالحان
خلوج بيت للقنابل وللرصاص الفرق الاخوان
وبجة كل العراق عليج من طحتي
بغداد يا روحي وامي وابوي انتي
جف بيج الفرات وصفى نخلج للفرح عطشان
ودجلة بدموعة بجالج يوم نحتي
وتاريخج بدمج غرك يوم النزفتي
ونهزمت خيولج وعلى ترابج شنقو شكو فرسان
يا عشك العراق هواج ولجلَ صمدتي
وصرتي كلبَ الينبض بطيب ونغمتْ حنانْ
ولبستي ثوب العرس وتعطرتي بنرجس وريحان
كلج بعدج عايشة لو من القهر متي
كلتيا يا بو النهرين لجلك أعيش بكل الزمانْ
كلج من حبي ما مليتي وتعبتي
كلتيل َهم يمل النجم من ليلَ وهم يكدر على الهجران
سأل على جرحج وكلج يا حبيبة شلو صرتي
كلتيلَ من تطيب أجروحك يطيب أترابي ويرجع مثل ما جان
وتنزاح عني لهموم وتبرد حسرتي
ويرد ألعشَ كل طير وظحك بعد ما بجاني الزمانْ



انشاء الله تعجبكم

مع تحياتي


51:51:الــــــــــــــــــــــــوردة البيضـــــــــــــــاء51:51:

احدث المواضيع:

• اهات غريب
• ولدت في بلد أسمهُ العراق
• سجل حضورك بمحافظة من محافظات العراق
• ~|~بأيد وحده نرسم خارطه العراق~|~
• الشوق يبحر يا عراق
• كم انتة كبير يا عراقي
• (علـّميـهم يـا بـغـداد )
• سر ساعة بغداد
• الكل يسجل حضورة بالمنتدى بـ 3كلمات حلوات (ابقة احبك يا عراق)
• رسالة من ام لابنها في الغربة

[حمكي]

تسلمين ورده
قصيده جميله
دوم الابداع
نتضر كلشي منج حلو
تحياتي الج

[اسير الروح]

تسلمين يا ورده
شعر حلو
وعاشت ايدج

[شمس الحب]

عاشت ايدج ورده
قصيده جميله جدا
دوم الابداع
تحياتي

[عراقيه حلوه]

عاشت ايدج ورده رائع

[الوردة البيضاء]

منووووووووووووووووووووووورين جميعا
تحيااااااااااااااااااااااااااااااااااااااااااتي

[INIESTA]

يسلمووووووووووووووووووووووووووووووووووو

[طيبتي اكبر همومي]

يسلموووووووووووووووووووووووووووووووووووووو ورده تحيتي

[طيف الدليمي]

بغداد والشعراء والصور
عاشت الايادي

[مستشار الغرام]

عاشت الايادي
دوم الابداع
تحياتي