لمحبي المسلسلات المدبلجة دخلو new يفوتكم هع

[lovely lady]

هـــــــلوووو
شلونكم كلكم شلون اهلكم شلون اصدقائكم شلون جيرانكم

اليوم جايبتلكم حلقه من المسلسل المدبلج (ماريه الحفافه)

الابطال هم ( خوان النفاط - ماريه الحفافه - انطونيو البوزرجي - روز الدلاله)

مقدمه موسيقيه عباره عن ( عونج يا كاع)

المشهد يبدا بدخول ماريه الحفافه عل حوش مال بيت خوان النفاط ( الكتف مالتها ) يعني الحب مالتها

ماريه الحفافه:

خوان حبيبي كيف حالك

خوان النفاط:
ماريه حبيبتي كيف حالك

ماريه الحفافه:
والله حبيبي اني موخوش اليوم

خوان النفاط:
ليويش حبي ماذا هناك

ماريه الحفافه:
يوم البارحه لم استطع ان انخمد الليل كله كاعده

خوان النفاط :
لماذا حبيبتي خوما جويكم العلاسه

ماريه الحفافه
: لا حبي لك يا علاسه لقد خلص النفط مال الصوبه والكهرباء كانت طافيه ولم نستطيع تشغيل الصوبه الكهربائيه وبقينه للصبح كاعدين من البرد

خوان النفاط
: بكلبه ( راح اتشغلي القوانه المشخوطه هسه) اها حبيبتي اهناك شيء استطيع ان افعله الج

ماريه الحفافه
: هم بكلبها ( لك لتثول الشغله علساس ما تعرف شريد ) ارجو ان تدبرلي فد دبه ام العشرين نفط حبي

خوان النفاط
: بكلبه ( بدت اللغوه الجايفه) حبيبتي جان ببطن عيني لكن انتي تعرفين الاوضاع شلون داجه وحته المحطه مجاي توزع

ماريه الحفافه
: هم بكلبها ( لك هذا غير جلف ) حسناً حبيبي اذا استطعت ان اتجيب نفط مو تنساني اوكي

خوان النفاط
: اوكي حبيبتي (بكلبه لطشتي خوما لطشتي )
واثناء عودة ماريه الحفافه من يم بيت خوان النفاط شافها انطونيو البوزرجي الي هوه منسق ويه روز الدلاله بس حاط عينه عله ماريه الحفافه

انطونيو البوزرجي
: ماهذه الصدف ماريه لا اصدق عيوني

ماريه الحفافه
: هله والله انطونيو كيف حالك

انطونيو البوزرجي
: انا بخير كيف حالك انتي

ماريه الحفافه
حطتله القوانه المشخوطه نفسها ) اني لست بخير ...........( حجتله نفس الفلم الي حجته الخوان النفاط)

انطونيو البوزرجي
: واين كنتي الان وياج الدبه

ماريه الحفافه
: والله جنت دا ادور عله ابو النفط بلكي الكاه ( طبعا مكلتله جنت يم خوان النفاط لانه انطونيو البوزرجي عقله ايطير من خوان النفاط وهيَ خوما تعلس نفسها بنفسها )

انطونيو البوزرجي
: ( ضربله صفنه مال لوكيه) اتركي الدبه هنا ورجعي للبيت واني اجيبلج اياها متنكه نفط مو تدللين
واثناء الصبغ مال انطونيو البوزرجي منو شافته طبعا روز الدلاله وجتي اتهرول

روز الدلاله
: لك ايا مضروبو الجلوتو ماذا اتسوي هنا يم هاي الجكمه

انطونيو البوزرجي
انطونيو صار قوس قزح وكام يشخبط بل حجي) ها مو لا اي اني يمكن لا ها اححح اي ما اعرف علاوي

ماريه الحفافه
: روز ارجوكي تره السالفه مو مثل ما عبالج تره ماكو شي وانطونيو بس جان دا سأل عل هايشه مالتنه

روز الدلاله
: انتي سكتي لا هسه ازينج مثل ابو خليل ( يعني صفر) انتي بعدين حسابج ويايه

ماريه الحفافه
: لج امشي منا احسنلج لا هسه اطلع خياساتج ابحديقة الزوراء ام الولد

وهنا صار المكافش ماله والي وكبت العيطه وخلصت الحلقه بنفس الاغنيه مال المقدمه (عونج ياكاع)

انتضرونا في الحلقه القادمه من المسلسل المدبلج (ماريه الحفافه)

ههههههههـ

تحياتي
لكم

احدث المواضيع:

• واحد خابر صديقه على التليفون
• خفة دم و مواقف طريفة في الحج
• شاعر كيكي يلقي ابوذية:
• بالقرآن صايـــــــر چني تفاحه.....
• في ﻭﺍﺣﺪ ﻗﺒﻞ ﻣﺎ ﻳﺘﺰﻭﺝ ﺍﺑﻮه عطاه ﻭﺭﻗﺔ
• اسئلة عراقية مالها داعي !!!!!!
• ثلاثة شباب تراهنوا منو يخلي الشيخ يسب ويغلط ...
• قال نابليون ^_^
• ربْي ان كاَن [موتي] راحه لهم !
• استخدامات كلمة عيني بين العراقيين =))

[مـوتـي ولا مـوـت أحسـاسـي]

مشكووورة وردة.

[lovely lady]

منورة الموضوع كراميلا بمشاركتك الحلوة

[دمعة ألم]

هههههههههههههههههه خوش حلقة
يسلمو وردة
تحياتي

[مـوتـي ولا مـوـت أحسـاسـي]

هئ هئ نايس موضوع
يسلمووو.

[lovely lady]

دمعة الم وكراميلا يسلملي مروركم العطر
منورين وربي