ضيف عراق الكل ع الهواء

[حمكي]

اكدر اتحمل كلشي يوكف دمي ومايمشي وخل عيني زاعل رمشي خل كلشي بيه يصير لاكن من تبعد عني احس روحي نفصلت مني غيابك عني جنني ماعرف دربي واحير بيك اتنفس تدريني صوتك همي ينسيني تدري انت من تلاكيني تضحكلي انسه الاه

هاي الاغنية المن تهديه ..؟؟ ممم يعرف نفسه

كلمة دكوله لحبيبتك كدام جميع الأعضاء ؟؟ ممم ماكول شي اكولهاالها

قرار ندمان عليه شنو هو ؟؟ مندمان على شي سويته

كلمة توجه لدمعة ألم اتمنالج التوفيق وانشالله ضلين دائما هيج ورده وحبابه والله يحفضج
مستر خالد اتمنالك التوفيق بحياتك ودير بالك من الجاي
كول كيل اتمنالج التوفيق وكل خير ودائما ضلين ضحوكه
شمس الحب الخير ووالسعاده والموفيقه بحياتها
محمد بغداد التوفيق والسعاده وكل خير
زيد الحيالي اتمنالك التوفيق بحياتك وشغلك والله يحفظك من كل مكروه
طويلو هههه اتمناله كل خير وانشالله يبطل من كم شغله عنده اله الباقي كله زين بس كم شغله
حمزة النجاح والتوفيق والسعاده ويدير باله من كلشي حواليه


شكرا وردة خالد على الموضوع والفكرة الرائعة
وان شاء الله اسئلتي تكون خفيفة عليك حمكي
تحياتي الكم جميعا
دمعة ألم


منورة دموعه
تحياتي الج

[شمس الحب]

هلا الله منورنه وربي حمكي الورده
يلا راح اسال كم سؤال عالطاير
1- احد اصدقائك يقدملك هديه شتحب تكون هاي الهديه؟
2-منو اقرب شخص الك؟
3- اقرب عضو بالمنتدى لشخصية حمكي؟
4- شنو رايك بالاعضاء عامة؟
5- شنو رايك بالاعضاء الجدد ومواضيعهم؟
6- شنو رأيك بيه وبمواضيعي ولو هي قليله؟
7- شتحب توجه لاعضاء عراق الكل؟
هاي هي
اتمنى ماثقلت عليك ورده
تحياتي لك

[حمكي]

- احد اصدقائك يقدملك هديه شتحب تكون هاي الهديه؟ ممم شوفتهم اكبر هديه
2-منو اقرب شخص الك؟ اصدقائي 2
3- اقرب عضو بالمنتدى لشخصية حمكي؟ ممم ستولن هيرت صديقي حمزه
4- شنو رايك بالاعضاء عامة؟ والله كلهم ورود الله يحفضهم الشبابهم
5- شنو رايك بالاعضاء الجدد ومواضيعهم؟ ممم مناح ونتضر نشوف المزيد منهم ويثبتون نفسهم
6- شنو رأيك بيه وبمواضيعي ولو هي قليله؟ انتي ورده وكلبج طيب ومواضيعج هم حلوه ومفيده وخاصه مال اليسا وحمكي ههههه
7- شتحب توجه لاعضاء عراق الكل؟ اتمنالكم كل خير ونجاح بحياتكم وتوفيق


تسلمين ورده
وشكراعلى الاسئله الحلوه مثلج
منورة

[MR_CoOL]

الى هنا تنتهي فترة الورده حمكي
ونكله شكرا ع الاجوبه الحلوه
نختار الان العضوه الورده
شمس الحب

[شمس الحب]

اولا شكرا على الموضوع الحلو
وثانيا شكرا على اختياري اكون ضيفة عراق الكل ولو اني احسب نفسي ركن اساسي من عراق الكل
كنت مسافر لأحد الدول .. وأنت الكابتن وفجأة قلت إن لازم نرمي عضوين
من الطيارة عشان تقدر نكمل المشوار .. مين تختار ؟لا عيني ماارمي احد اضحي بنفسي وارميها لاجل عيون احلى اعضاء


2- كنت طالع من البيت مع الأهل ودقوا عليك وبلغوك إن البيت احترق
واللي حرقه أعضاء إنت تعرفهم .. منو تتوقع يكونون ؟! اني اتوقع عراقيه حلوة والراشي مالتها هع هع



3- طلبت من احد المطاعم وربحت تذكرتين رحلة
لألمانيا منو راح تاخذ معاك من الأعضاء ؟مممممم اني واشوف منو يقبل يروح ويايه ويتحملني هع



4- وأنت تقرأ الجريدة قرأت خبر ..
" تم إلقاء القبض على مجرم خطير قام بقتل شخصين "
مين برايك يكون هالعضو ؟!الاعضاء كلهم ورود مااعتقد احد بيهم يسويها



5- معزوم لأحد المطاعم الفاخرة .. وعقب ما أكلت وخلصت قال
العضو اللي معاك إنه بيروح يغسل إيده .. وهو بالأساس خلاك بالمطعم
ومشى وخلى الحساب عليك .. مين تتوقع يسوي فيك هالدقة ؟!ماادري والله بس من باب الشقه احتمال حمكي هع هع


6- إتصلت على أحد البرامج الإذاعيه وأطلبوا منك تهدي هذه الكلمات للأعضاء:
.. الله لايحرمنا منك ..الكل
.. يعجبني أسلوبك ..مستر خالد
.. أعتذر ..ممسويه شي لاحد حتى اعتذر منه
.. خفف من حدّة أسلوبك شوي ..عراقيه حلوة
.. إنت غالي علي ..كلكم غالين عليه

7- وظيفتك مخرج .. وكنت تقوم على عمل فلم كوميدي .. مين راح تختار
من الأعضاء يكونون بهالفلم ؟! حمكي وعراقيه حلوة ومحمد بغداد



8- مسافر لأحد الدول الأجنبية وأنت ميييح باللغه هناك كلشي ماكو..
وتورطت بالحديث معاهم هناك وتمنيت يكون معاك واحد
يكون عارف وفاهم بهاللغة وراح يساعدك ..
منو من هالأعضاء عنده هالقدرة ؟!مااعرف والله بس اذا اكو احد منهم يمي اساله بس منو يكول راح ادبرها هع هع



9- وأنت قاعد بالبيت تشوف تلفزيون رن جرس الباب .. وكان
شخص يشتغل في محل زهور .. وكان بيده باقات باقة ورد وباقة شوك
من منو تتمنى تكون باقة الورد ومين تتوقع يكون صاحب باقة الشوك ؟! والله باقة الورد اتوقع منهم كلهم لان كلهم ورود بس الشوك لا اكيد واصلتني غلط


10- تخرجت من الجامعة .. وكنت تنتطر الوظيفة عقب أيام " بالأحلام " لقيت
إسمك نازل بالجريدة وموظفينك في مكان زين .. مين تقول من الأعضاء يكونون
معاك بنفس المكان بحدود الـ5 أشخاص وليه ؟! حمكي ومستر خالد ودمعة الم وزيد ومااعرف كلهم ورود
11- أنت ضابط .. والكل بالكل على يوم طك مزاجك إلا تحبس واحد
ورحت ناديت الشرطي يروح يجيبه من بيتهم وتسجنه .. مين تاخذ
من الأعضاء ؟اسجن عراقيه حلوة لان خبلتنه بالراشي مالتها هع هع اشاقه وربي



12- انت مليونير وعندك بيوت بكل مكان .. وعلى يوم قررت تروح واحد من هالبيوت
والمكان جميل يعني بتاخذ لك واحد ترتاح له
منو تخليه يكون رفيق لك .. لك بحدود 5 ؟!اذا البيت جبير اخذهم كلهم ويايه ليش اصير بخيله هع

13 - سؤال اخير ما رأيك بالموضوع ؟
يجنن عاشت ايدك ورده
هسه انتظر اسألتكم الباقيه
اول ماحطيت الموضوع حبيت اكون اني ضيفه بيه لان عجبتني الفكرة
تحياتي

[شمس الحب]

امممممممممممممم
يمكن ماكو احد يلا دنتظر اسالتكم

[HamaDa]

هلوو وردة شلونج .....منورة

1. اذا اتصل احد عليج منو تتوقعين من المنتدى؟
2. وذا رحتي لمسرحيه منو تاخذين وياج؟
3. فد يوم طلعتي وشفتي واحد بالشارع يباوع عليج صفح منو تتوقعين هع؟
4. صارت عركه بين عضوين شتكولين بين منو ومنو؟
5. مممم وصلتج هديه وفتحتيهه شفتيه فارغه من منو تتوقعين؟

اتمنى ماكو طولت هههههههه
تحيات الج وردة

[شمس الحب]

هلوو وردة شلونج .....منورة
الحمدلله بخير بوجودكم عيوني والنور نوركم ورود

1. اذا اتصل احد عليج منو تتوقعين من المنتدى؟ مممممم اعتقد محمد بغداد هع
2. وذا رحتي لمسرحيه منو تاخذين وياج؟ حمكي حتى بلكي يبطل يكول ضايج
3. فد يوم طلعتي وشفتي واحد بالشارع يباوع عليج صفح منو تتوقعين هع؟ ليش عيني يباوعلي صفح يعني؟ ماعندي شي ويه احد فمحد يسويها ويايه لان مو اني الي يتباوعلي صفح واسكت هع هع
4. صارت عركه بين عضوين شتكولين بين منو ومنو؟ حمكي وزيد هع هع
5. مممم وصلتج هديه وفتحتيهه شفتيه فارغه من منو تتوقعين؟ عراقيه حلوة

اتمنى ماكو طولت هههههههه
لا بلعكس ورده انت تنور شوكت متحب
تحياتي الكم
تحيات الج وردة

[HamaDa]

ممممم اني اتصل هع هع
شكرا وردة
تحياتي

[شمس الحب]

هههههههههههههههههههههه حسب اعتقادي ولو اني متاكده محد يتصل
وبعدين كولي شتريد مني حتى تتصل؟
يلا حتى لو اتصلت اني بالخدمة واخ عزيز والله شلون مااخدمك بعيوني الثنتين