"":: كلــــــه منــــــج ::"" جديد احساسي

[L•َِOَِ•Y•َِUَِ•S]

السلام عليكم
"":: كلــــــه منــــــج ::""




كله منج
انتي الي خليتيني احبج واحصد من الحب عذاب
وانتي قصيتيلي جنحي بلايه رحمه وطيرتيني بضباب
وانتي وحدج عذبتيني بغرامج
واني ادري بالغرام بلايه باب
هاج حصدي الي زرعته
وشوفي زرعج شنهو جاب
هاج ضوكي الي ضحكته انه
ولومج كافي ما اريد العتاب
العتب لو ينفع جنت انه الااعاتب
العتب ما ينفع ولا يغير المصاب
والندم والوجات والوسافه
كلها نار تزيد نار الي بينه وما يطفيها التراب
اني من اولها كتلج
انتي مو انتي الـ الي ومو اني الـ الج واحنه بسراب
واني ردت اكصرها وياج قصتي
من يوم الحجيتي وكتيلي احبك يا (( ؟؟؟؟ ))
كتيلي احبك كتلج الحب نعمه
لكن اخاف اضل بعيد وحدي
كتيلي اريدك
كتلها تريديني الج لكن يا بعد الروح مو بيدي
كتيلي والحل
كتلج الحل انتي حبيتي واني شمرتيني على ذبتي
وما رضيتي وهذه تالي الحب يا بيتي
وهذه تالي الحب يا ماردة التحدي
شوفي وين اصبح هوانه
وشوفي وين صرتي انتي
لا دكولين القسمه جارت
ولا تقنعيني بعذر ما يسوة خمس فلوس عندي
خلي اعذارج تفيدج
نسي روحج بيها احسن
وانسي كل كلمات ودي
انسي عيني البيها رسمج
وانسي صوتي الغنه باسمج
وانسي مري وانسي وانسي شهدي
وانسي عهدج انسي وجنج ما عاهديتي
وعينج على النسيان من حباج بعدي
خلي يلومج جيف حبيتيني يوم
وصيري انتي وياه ضدي
وخلي يضربج فوك وجنات البستها
حته يمسح اثر وجدي
انسعدي بيه
يلي كلتي ما اضوك السعاده الا بربيعك
عيشي اله
يلي كلتي ما عاش اليبيعك
وانتي تاليتي انبعت وامسيت جروحي تبدي
روحي مبريه الف ذمه
روحي يالشمتي حصدي
لجن اطلب منج طلبه وحده
لو موكب زفافج من يمي تعده
انه اترجاج اترجاج بعينج تصدي
اطلبت منج تصديلي بزفافج
مو قصدي استجدي من عندج نظر
اني ردت اقره بعيون الورد الضاع من ايدج عطر
اني ردت اقره شنو ردت فعلج
يكولون الحب وفه واخلاص ونزاهه
انتي جذابه على الخلك ذبها الدهر
انتي غيمه سوده ما تسوين كلشي بلايه مطر
انتي صبغه كاع لوي يزكون سبع برور ما ينبت ثمر
انتي طعنه سيف بكليبي الصفي ويا حسافه الطعنه شكد تركت اثر
وسامحيني
سامحيني خاف كلماتي اجرحنج
واني اسف حيل وهواي اعتذر
واحسبيني مخبل ومسودن واهلي
وانتي تدرين المسودن من عذر
انتي تدرين شنو صرتي بالنسبه الي
انتي صرتي
ورده جوري ما تسوين كلشي بلا عطر
انتي صرتي
اوتار عودي الاعزف بيها لحن قصتي
وضاع من عودي وتر
وضاع من عودي وتر

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[مـوتـي ولا مـوـت أحسـاسـي]

كلش كلش كلش
روووووووعة

[HamaDa]

تسلم صديقي
عاشت ايدك ياورد
دومك مبدع
تحياتي الك

[CoOoL G!rL]

روووعة
تسلم وردة
عاشت ايدك
تحياتي

[دمعة ألم]

واو فعلا واو
كلمات واحساس اكثر من رائع
دمت بهذا الابداع
تحياتي

[حمكي]

تسلم ورد
عاشت ايدك
نتضر كلشي منك حلو
تحياتي الك ورده

[L•َِOَِ•Y•َِUَِ•S]

تسلمون عيوني