,,╝♦ قلبيــــٍٍٍٍ على وطنيـــًِِ ♦♦,,

[هافرت]

,,╝♦ قلبيــــٍٍٍٍ على وطنيـــًِِ ♦♦,,

قلبي على وطني

* * *

ياوطني الموشوم بالقنابل

ياوطن الأشجار والأنهار والجداول

ياوطن الأديان والإيمان والتساهل

ياوطن الأشعار والإصرار والتفاؤل

ياوطن الأيتام والأرامل

ياوطني المقتول والمقاتل!!!

إنزف صبر ياوطن..بيٌـه الك مـٌية جرح

كــلما يهيد الألم بجروحي أذرٌ الملح

أفديك ياوطني لومية مرٌه انذبح

واشرب نخب هيبتك من المسـا للصبح

مثلك محب ما إلي ومثلك جرح ما يصح

يارمح بضمايري لا خطه ولا صابني

كـَلبي على وطنـــي

كـَلبي على وطني وي رشفة الفنجان

وبكل تحيه صبح من حايط الجيران

لو ما انت ياحيرتي ماكان كل ماكان

من غير أرض وأهل ما قيمة الانسان

بس ياخسارة الأهل

من حط رحاله الجمل

وياك علو الجبل

ولارخص علج اجنبي تتخضٌع وتنحني


كـَلبي على وطني

كــَلبي على وطني وي كل سحابة تفوت

وعن كل بطل ما بخل فوك التراب يموت

وعن كل كـَمر لو ظهر.. وبحزن روحي انتحر

والطير فوكَ الشجر

ينشد بأعذب صوت

الماي من ينغلي من لوعته ايغني

آنه انجوي ابطيبتي وكل حي طلع مني

كـَلبي على وطني


أهواك ياوطني لو جنتك ناري

وانزفلك الدم شعر واهديلك اشعاري

كل يوم نكـَعد سوه واحجيلك اسراري

تفكـَدني من ابتعد وتزورني ابداري

وابجيلك ابلا دمع واشرحلك الجاري

معذور من سرني

ومعذور من لامني

كـَلبي على وطني

كـَلبي على وطني الكل عمري جان الأهم

أسكـَيه ابمي دمعتي ويسكـَيني كاس الندم

انطيته حلم العمر ونطاني جنــٌة وهم

واني مثل هالبشر هم روح دم ولحم

__________________

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[نونه البزونه]

تسلم على القصيده الحلوه

[مريومه العراقيه]

عاشت ايدك على القصيده الروعه
تقبل مروري وتحياتي

[هافرت]

وئديكم شكراااا حياتي على الردود الحلوووة تحياتي لكم