مذكرات عاشقه

الملف الشخصي · 2010-05-10, 07:28 PM

سنتين اتفقنة وكضن عشرين

ورمح هجرك لهسة بروحي مغروس

وعشت كل عمري ليل بغير ملكاك

اباوع علشمس تمثال فانوس

جائز يم عشيقة هناك ضليت

وما الوم الضحك والليل والكوس

هواي الكلوب وواحد الحب

يضل التاج بس تتبدل الروس

وتضل مطلوب اليّّّّّّّّّّّّّّّّّّّّّ ولا تنكر الدين

ترة بدم الشجر متلطخة الفوس

* * *
ضعت بعدك حبيبي بلاية عنوان

ومثل الريح امشي بلاية سكان

الشماتة استفحلت واتوسلك عود

اذا اتموت الشمس تفرح العميان

ضعت بعدك حبيبي بين الظنون

وسكرانة السفينة بغير سفان

ومهرتك باقية ما رضت خيال

حاشة لغيرك تنطيه العنان

* * *
وضل كلبي بأمل ترجع ولاكيك

وكلت خلة بأمل ما احجي خلة

محضرتلك لحن ما سامعة العود

مثل الريح تعزف على الكذلة

وطلع كل الرسمتة اوهام بوهام

ارسم علظلام بقلم كحلة

ترس راسي الثلج واتأمل تعود

وبعد ما ضل وكت وانطيك مهلة

بدلة عرسي امس خلصت تفصال

من شيب الزلف فصلت بدلة

* * *
وبعد ذاك انتظاري وحب السنين

ما اريدك تجي بأحلامي فارس

وصليّّّّّّّّّّّّّّّّّّّّّّّّّّّّّّّّّّّّّّّّّّّّّّ ّّّّّّّّّّّّّّّّ الموت عاد احضر التشييع

ترة بدونك يضل يكسر الواهس

واظن حقي السفينة تموت بالماي

وهم تمشي بجنازتهة النوارس

* * *
واياك اتورط لا علية اتعيل

ما تعرفني امشي اعلة الشمس حافي

ادور اعليك بيك وما اكضلك راس

وانتة منين ما افرك ثلج دافي

ازعل ما يهمني ولا اكلك ليش

ترة اسوي فضل من كونك الجافي

عبالي انتة اليّّّّّّّّّّّّّّّّّّّّّّّّّّّّّّّّّّّّّّّّّّّّّّّ وبيك اعتني الصعبات

بس هسة اعرفت محد الي خلافي
* * *
اشكثر كالوا عليك وكلت جذابين

عساهة ابخت روحي اللعبت بحالي

تدري وانا اشوفك بس اغمض العين

واكل للعين لا يمكن تراوالي

صبخة خدودي صارت من بحر الدموع

وانتة ابيض تكلي وتنتكص حالي

اخسرت كلشي بودادك كلشي ما كضيت

حتى انا بعشرتك صرت مو مالي

ورد وياي اجينة اثنين ما ارد وحدي

ارد شلون مو دربي اعلة عذالي

واذا تخذلني هلمرة

جذب ما اردلك بتالي

واذا اردلك شرط

تنصب ضلوعك مو جسر جسرين

واحد امشي بيه والثاني لخيالي