اشگـــــــــد أچــــــــذب

[♥ رووعَ ــهْ [بإِحْ ــسآسِيـﮱ♥..]

اشگـــــــــد أچــــــــذب

لو گلت دمعي مطر غرّك طوايف
ولو گلت .. من تحترگ روحي ابودادك .. ميخالف
ولو گلت هذا آنه شاعر ...
شايل بحلگي جوامع ... صلّت بسدهه السوالف
ميخـــــــــالف
خلني أجذ ّب ... لو گلت عندي قصيـــــدة
وبيهه بالعباس حالف ....
ما اعوفــــــــك
ولو گلت .. طيفك كتلني .. ومثـّـل بعيني مثل هنـد ويه حمزه
ولو گلت .. خنجر غيّابك مات جـــوع
ومن نحــــر شـــــــوگي تشبعه .. حـــزه حـــزه
ولو گلت عندي قضيه ...
بلايه شكوى ..
وأنه مجرم بيهه صايـر
بس قضيّة
تريد قاضي
تريد واحد كون فاضي
تريـــــد عاشـــگ
شال بزنود الگلب خرزة محبّـه
تريــــد بسته ...
تريد بيت من الـ بوذيـّـه
تريــد ونــّـــة داخل بهاي المسيــّــه
ولو گلت ... وحشه الليالي بغير شوفك
مثل وحشة طفلة مرعوبه وحزنهه ..
ايبچي ليـــــــل الغاظرية
ولو گلت مشتاگ أشـــــوفك
كون عينك تزحف بسكته من أختهه ... وتصـــد ليّـه
ها نسيـــــــــت ..؟؟
احلامنه الچانت بلابل .. من تغرّد فوگ شجرة عين عميه
اتخضّر طيوف المحنّه ... ويضحك ويانه الصبح
ولو گلت .. روحي سفينه شوگ .. وتحن للجرف
تصير بعيوني شريعه ماي ... عنـّـي وتنحرف
ميخــــــــالف
انته تـــــــدري .. ضحكة الشاعر قصيدة
ودمعة الشاعر قصيدة
وانه عاشگ .. لو ذكرتك كلي اصيرلّك قصيدة
وكلـّـي اموتن لك قصيـــدة
أشگـــــــــــد أچــــــــــــذب
لو گلتلك ... ما احبــــــــــك
آنه أحبــك ... وأنته چــن ما تدري بيه
وهي هاي أكبـــــر قضيــّـه

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[حمكي]

عاشت ايدج ورده
شكرا على الموضوع
والكلمات الحلوووووووه
دومج مبدعه
نتضر كلشي منج لحوو
تحياتي الك

[ميما الحلوه]

كلش حلووووووووووه
عااااشت ايدج وردايه

تحياتي

[sυρєянυмαη]

يسلموووووو ورد
كلش حلوو
تحياتي

[nosnos]

عاشت ايدج وردة
ابدعتي
تحياتي الج