الغرور

[نونه البزونه]

اعله شما عليت وشوفني من بعيد
باجر من كرب تستحي تعاينلي
ما اعطش واجيك اتوسلك محتاج
وما اصعدلك انه وانته تنزللي
عالقمه الثلج وينزعه وجه الصيف
وغصبن عالعطش شلال توصلي
اشربك وارتوي تعطشني ما ارويك
دنيه من العطش ماترتوي بذلي
انه المحتاج راسي يشعله شمعخ انطيه
والمحتاجني كلي اشتعل كلي
علّي دليت خصمي بسر دفنته وياي
وانه الدافنك كلك ولا دلي
شفتهم طحت شفت الصحابه وجوه
اعرفت ياوجه ضدي ويا وجه خلي
شالني الجفوف الحاربني سنين
المالطمن علّي جانن يصفكلّي
شفت مصيوب طايح طحت راد يكوم
وعله حرورة صوابه جدامه زحفنلي
وشفت واكف بعدني وكال راح يطيح
وشفت كبل المزامط صاح متخلي
اكو مجروح مذنب جرحه يشفع بيه
واكو يزيدن ذنوبه شما يجي يصلّي
واكو يختل بضلمه ومنه ماينخاف
واكو يخوفني لو بالنور يختلي
واكو عالي وتشوفه عيونك برجليك
واكو جواك ناصي تشوفه متعلي
واكو ميت عطش وجفوفه تمطر ماي
جفه بحلك غيره تعلم يخلي
رهنتلهم ضميرك ردت توصل صوت
هسه بلايه صوت شتحجي شتكلي
اذا بجفوفك تأشرلي عنهم جاي
اعمه وشفتهم لوردت تنقلي
انه اكبالك من شال اسمك طاح
عاد اسمك دشيله الشايله يولي
ما أقبل اهدومي تضمني عن السيف
واكطعهن جفوفي الما يفزعنلي
وما اقبل خيالي يعيش تعبي وياي
نزلت الشمس لمن تعب ضلي
من مواضيع احمد الذهبي في المنتدى
0 من واقع الحال انطيني روحي وبعد مارايد من عندك شي

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[مريومه العراقيه]

[دلع المنصور]

يسلمو ع هاي الكلمات الروعة

[نونه البزونه]

شكراااااااااااااااااااا على مروركم الحلو