سندرلا بلهجة شروكية ههههههههههه

[soft moon]

لبست البدله وراحت ركض على القصر وشافها الأميرهناك وحبها وركصو شوية وفجأة دكت الساعة ثنعش وركض صارت تهرول تهرول لحد موكعت شحاطتها على الدرج .......




سندريلا راحت على البيت وتمنت لو انه الساعة ما دكت على الثنعش، بس شتسوي بحظها الاكشر مثل حظ هذا البلد.




الأمير حط فردة الشحاطة على مخدة يمكن لونها زركة أو نهدي، المهم صار يصيح بصوت عالي على كل البنات علمود يقيسون الشحاطة،قاسوا كل البنات إلا سندريلا .....



سندريلا نزلت على الساحة ووياها الفردة الثانية مال الشحاطة، وحطتها على المخدة الي عليها الفردة الخ، ولمن اقتربت دتقيس الشحاطة ضربها الامير راشدي،وكللها: هيييي وين جايا،





كلتله: عما بعينك شكد سخيف,يعني مدتشوفني دا قيس الشحاطة





كللها: عابتلج ' وحدة مثلج شلون تريد تكون مثل ذيج الكمر،
باوعي على نفسج جنيج ارنب



كلتله: هسا اشوفك واحطها بعينك هاي الشحاطة ونشوف منو الارنب




ولمن جتي دتقيسها،مطلعت على كدها، لأنه جانت مورمة من الشغل الهوايه، وخطيه محد صدكها، واتخبلت البنية وتكول سودة علية ماخذت حمادي ابرج فضة والكن بغدادي وظلت تفتر بالشوارع وتبجي وتصيح ، والأمير اتزوج غيرها وكال: لشوكت حظل ادورعليها انشاء الله درب الصد ومارد الله يطيح حظها هي الخسرانه سوجها ليش ماشادة الشحاطة بلاستيك اذا رجلها مثل العنزة زغيرونة




عاش الامير عيشة سعيدة وماتزوج سندرلا طايحة الحظ

اريد اشوف ردود حلوة

احدث المواضيع:

• صلو على النبي
• عاجل عاجل
• مواضيع جاده جدا تحتاج للنقاش
• شوفو شلون السحالي يتحارشون بالتماسيح وماذا كان رد فعل التماسيح
• بس تعالوا شوفوا
• موضوع خااااااااص عن التماسيح ومراحل النمو الخاصه بهم تعالو يا سحالي تشوفو
• مطالب جدا بسيطة للفتيات......ترة مابيها شي وسهلة
• رساله ارهابيه الا حبيبتي
• السحالي في مازق هههههههه
• اول عمليه بقيادتي ضد حزب السحالي

[ورد البنفسج]

ههههههههههههههههااااااااااااااااايييييييييي
شنو هاي تجنن
يسلموو ورده
دومج مبدعه
تحياتي

[soft moon]

شكرا حب لمرورج
الحلو

تحياتي

[مشمش]

يسلمو ورده
عالموضوع الرائع
تحياتي

[امبراطور البصرة]

ههههههههههههههههههههههههههههههههههههههههههههه

لك هاي شنو فد شي خرافي

مشكورة عيني

[INIESTA]

عاشت الايادي

[soft moon]

شكرا ورود لمروركم
الحلو