♥♥♥♥♥♥♥♥♥♥ مسجات روعــــــــــــــــــــــــــــه ♥♥♥♥♥♥♥♥♥♥♥

[عراقيه حلوه]

♥♥♥♥♥♥♥♥♥♥ مسجات روعــــــــــــــــــــــــــــه ♥♥♥♥♥♥♥♥♥♥♥



وحك الي بده القرأن بسمه
تركني وضاعت من اشفاي بسمه
الكلب ماصاح بسمي صاح بسمه
لان هو الكلب والروح اليه

هله يل كل عشرتي وياك مأسات

واسكر لوشفاي اشفاك ماسات
الك خدين بيض اتكول ماسات
من احبك ينعكس وجهي عليه

حبيبي شلون حالك وصفه اليه
عوف الناس كلهه وصفه اليه
مريض وصرت انت وصفه اليه
من اشوفك كل مرض مايبقه بيه

حبك بلقلب ياصاح .. زلزال
ومن تبعد علية ايطيح .. زلزال
اكص الساني لو وياك .. زل زل
واكص ايدي التمسك بالأذية

قهر حبك حبيبي عسل وي جوز
وربك مايتوب الكلب ويجوز
تريد انساك بس بالموت ويجوز
تلمنه الاخره ونرجع سويه





غيابك خلخل اعضامي.. وهدهن
وجر حسرات ببعادك.. وهدهن
آلي دمعات لو ابجي.. وهدهن
تفيض اليابسة ونغرك سويه
مع تحيات اخوكم

شقى ماعندة كلش كد وطنة
كبر شيب واصبح كد وطنة
بوطنة انصب جادر كد وطنة
وقرينة الفاتحة ومتنة سوية


ثرم والله المصايب ثارمني
واذب كلبي على غيري ثارمني
ياهو اليجي ياخذ ثارمني
صرت للجاي والرايح ضحية


الضمي راح والطم عضمني
وعلى امصابي المصايب عضمني
الوكت يومية ياخذ عضمني
ويبدل اسنون يومية علية

يسيل العسل صدك مرطبنه
اذا فديوم شخصك مرطبنه
مره تصير عله ومرطبنه
ومره تصير انته الصيدليه

روحي من الصبر ملت وملهه
لجيتك تنتضر ظلت وملهه
الك مرقص بنص كلبي وملهه
والك حاتات يتكلبن بيه

تره انه المصايب دوخني

ولجروحك يصاحب دوخني
احترك كلبي بجفاكم دوخني
ولا يطفه وتضل ناره سريه

هاي الروح ماضن غيرك الهه
وتراهي الهم يصاحب غيرك الهه
صفات البيهه تدري غيرك الهه
ولا عرفت غدر هاي الوفيه

كلي الراحلك منهو وياهو
ومنهو الغيرك عني وياهو
اميلك جان ماسنجر وياهو
تبدلة بدردشة وتنكته بيه


دكلي شغيرها السبعة ورة الست
وخلص عمرك تسير انتة ورة الست
ابشرك راح افرمته ورست
حياتي وذكرياتي وكل شي اليه

طلع دولار حصتي اوف لاين
وكلبي من المصايب اوف لاين
من افتح ايميلك اوف لاين
وتكلي شبيك ماتدخل عليه


كلبي خلاف عينك فرمتاها
وشخصك عن خيالي فر متا ها
دليلي ذكرياتك فرمتاها
وتذكرت النسيته وعم عليه


على الضدك مرض يكتل وكن سل
وتعرفنة وعلي بدونك وكنسل
الغي كل كلب قاسي وكنسل
جميع اهل البغض واهل الردية

ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه؟

تظل صاحب فضل وشكبر فضلاك
وخلكي ما فضه الغيرك وفضلاك
اميزك عل خلگ كله وفضلاك
وبسمك احترز صبح ومسيه

عليك الليل كله انه ونه
ومعاك العتب هسه ان اوانه
اتهدد بالنفاها انه .. وانه
وينك مو طبك دهر العليه

غرامك اثر بالعشك وداره..
هجرت الي تعب وياك وداره..
سمعت بقيس عاف اهله وداره..؟
حملت الضيم وهمومك سويه

منو مثلي تعب لجلك وداراك ؟
جهنم لجلك اتحمل و(داراك)
عسا من غيرك يسمر وداراك
ابسكم لا للحيا ولا للمنيه

يكلبي غّرك الشيطان ولهاك
وخلّاك برحى الحسبات ولهاك
مشه عنك زمان الاخذ والهاك
اجه وكت اشبقه عندك اليه

قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية

احدث المواضيع:

• احبك حب ماتتخيلة واكثر
• اموت لاذكرت انك لغيري
• في غيابك كل شي حولي غريب - mms
• مسجات عيد الأضحى
• اللهم بلغنا رمضان غير فاقدين ولا مفقودين mms.sms
• رسائل صداقة مسجات الصداقة لتجمع اصدقاء غاليين استخدم مسجات صداقة
• اشتاقيت الك
• بكل حالاتك احبك
• أبيڪ ~» وأعترف إني " أפـبــڪ " يـآبـعـد نـآسـي::||mmş||
• وعدتك مايفرقنا زمان ولا مكان

[ميما الحلوه]

حلووووين يسلمو
دوم الأبداع
تحياتي

[دمعة ألم]

كلش كلش حلوات
عاش ذوقج يامبدعة على الطرح الرائع مثلج
تقبلي مروري وتحياتي
دمعة ألم

[اسير الروح]

يسلمووو ورده
عاشت ايدج خيتووو
تحياتي

[sυρєянυмαη]

يسلمووووووووووووووو
تحياتي

[عراقيه حلوه]

منورين بمروركم