أجملِ الذكرياتَ في وطنناِ العراق

[الوردة البيضاء]

مرحبِآ

أجملِ الذكرياتَ في وطنناِ العراق


أيــام الشته ما تنسي .وخصوصاً من نكون مكَرفعين من البرد وملتفين بالبطانيه وكلها كاعده على الزوليه
وأحلى فقره من نحط الكتلي على الصوبه
ومن يجي فلم السهره والصوبه غفله تنفجر عليك ((سعاااااااااااده))




............................................
ليش والصـمون الحار أبو الكَاع وأول ما يجي تسوي لفه مال موز نوتيلا الله
والكَمع مالته ..مستطيل مدعبل تلكَي مثله

.............................................
والخبز أول ميجي بس يعجبك تكرزه
وتحط جبن ونعناع ايباااااااااااااااا
مو خبز تكول فستق

.....................................
وين أكو أحله من يوم الجمعه وريوكَ يوم الجمعه
والعائلة كولها ملتمه والميز كله كيَمر والخواشيكَ هناك وهنا
وتبدي العركه منو ياخذ القطعه الأكبر
وكالعاده لو تنتهي بعركه لو كل واحد ينكتل ويكَعد عاقل



....................
الكباب أقصد الطماطه شوي
واللفه تغدي بخته من الحراره وأهم شي الكمع الله


......................................
ونجي على العيــد
وكليجه أم التمر بالسمسم
والله العيد من غير الكليجه مو عيد

....................................
وأحلى شي بالعيد فقره الغده ((بعد العيديات مباشرة))
القوووووزي الحااااار
وتفتح الجيس تطلعلك البوخه وتدوخ تباوع منا منا وتبدي تثرد وعلى غفلله تجي الوالده وتكَرصك شلون كَرصه ويطلع العيد من خشمك

..............................................
ووره الغده ماكو أحلى من استكان الجاي أبو الهيل
يعدل الدماااااااااااااااااغ


...........................................
وأنت كـاعد وصافن ..وجان التلفون يسوي
رن رن رن ..طم طم ..رن وفرحني
وتشيل التلفون يطلع الحب مال انت وكاعد تسولف وتسولف وتسولف
جان يخلص الرصيد واكيد تروح عدل وكَبل على الأسواق يمكم ووياها بالطريق فد باكيت جكاير من هذا الأحمر حتى كَلبك يعطب
لأن أكيد الحب لازم يغثك ميكدر

..............................


وفي أيام الصيف الموشمسه والكهرباء مطفيه
وأبو المولده مخلص كاز
وكَلبك محروكَ على الكبد
ماكو أطيب من الركَي ينـزل على كَلبك مثل الثلج



.................................

وفلم الضهر ما يحله أله على الهوه المبرده
وتجيب كاسه وبيها خيار وتكَعد تعزف



...........................................
واللبلبي وما أدراك ما اللبلبي
احلى لحظات من تكون ميت من الجوع وهستوك طالع من المدرسه وشفت ابو لبلبي وكتل عليه مثل الذبان بحيث بودك تسوي تفجير انتحاري
وشوف الكاسه الي تنكَط ورد
أنت أخذ خاشوكه قبل النوم وشوف المفعول السحري مالته


.........................................
وأكيد ما ننسه بت عم اللبلبي خاله فاصوليه بللحم
ويه التمن
بودك تذب زروكَ بالماعون


..........................

الكَريــعات ..وما أدراك ما الكَريــعات
علم من أعلام بغداد
أحلى هوه وأحلى سمج
وأحلى صفكَه لأحلى كريعات

..................................
أيــام الشباب الزيزفوني
أيام الأبتدائيه جانت سفراتنه كولها لو للريحانه لو برج بغداد
ومن نروح برج بغداد عبالك برج أيفـل ممصدكَيــن


.....................................

ليــل بغداد .. أجمل لوحة
سبحان الي صورها
الي يشوفها يكَول لا فيكَاس براس السنه اي والله
ومثل ما يكَول السياب
الشمس أجمل في بلادي من سواها ..والظلام حتى الظلام أجمل
فهو يحتضن العراق






...............................
أحلى ما في الذكريات انها في العراق
ودعونا نرى ذكرياتكم وأحلى لحظاتكم


::
تحياتي

احدث المواضيع:

• اهات غريب
• ولدت في بلد أسمهُ العراق
• سجل حضورك بمحافظة من محافظات العراق
• ~|~بأيد وحده نرسم خارطه العراق~|~
• الشوق يبحر يا عراق
• كم انتة كبير يا عراقي
• (علـّميـهم يـا بـغـداد )
• سر ساعة بغداد
• الكل يسجل حضورة بالمنتدى بـ 3كلمات حلوات (ابقة احبك يا عراق)
• رسالة من ام لابنها في الغربة

[sυρєянυмαη]

عاشت ايدج ورده موضوع راقي مثلج
يخبل عن جد وطبعا اني اقرة وخربانه ضحك
وصحت العائله كلها تشوفه وسويت هوسه مرتبه بالبيت هع هع هع
يسلمووو
تحياتي

[حمكي]

اويلي الله
والله موضوع كلش حلووو
طبعا الصور كلها حلوووه وذكرياتها بعد احلى
انشالله يارب نرجع مثل الاول
احلى شي الكارت مال نت والمبرده
عاشت ايدج ورده
تحياتي الج

[CoOoL G!rL]

ههههههههههه فد شي كلش كلش كلش حلووة
والمبردة تذكرني بابن جيرانه جان هم يطلع بالفانيله ويصلح المبردة
عاشت ايدج وردة
دومج مبدعة
تحياتي الج

[دمعة ألم]

ذكريات رائعة جدا ايام حلوة
موضوع رائع جدا يامبدعة
عاشت ايدج على الطرح المميز
تحياتي

[wisam_alsalmany]

ههههههههههههههههههههههه فعلا الموضوع روعه
واحلى شي (وأكيد ما ننسه بت عم اللبلبي خاله فاصوليه بللحم
ويه التمن
بودك تذب زروكَ بالماعون) وياها تمن عنبر صدك زرررررروك

[حشوشه]

ohhhhhhhhhhhhhhhhhh ... i miss you
هع هع
حيل صارلي شكد مماكله صمون عراقي هئ هئ
شكراا ورد على الموضوع
يسلموو وعاشت الايادي
تحياتي (حشوشه)

[adoo]

يسلموووووووووو ع الصموووون ااقصد الموضوع

[الوردة البيضاء]

منووووووووووووورين جميعا بمروركم الحلوو
طبعا ذكريات متنسي وكلش حلوة والكل تتمنى تعيد هاي الذكرى
تحيااااااااااااااتي للجميع
الـــــــــــــــــــوردة البيضــــــــــــــــــــــــاء