إشمـا يطول العمر يكَـصر مـا يطــــول

[HamaDa]

بسم الله الرحمن الرحيم

جاء في القول المأثور

(الدنيا ساعه فآجعلها طاعه...)

موعظة ً لي قبل أن تكون لغيري

لعلها تنال رضاكم

*****

يبــن آدم هـــاك إخذ وإسمـع شكــول

مــن كــلام أهــل الحكم وآهل العقـول

إشمـا يطول العمر يكَـصرمـا يطــــول

وساعـه ساعــه إتكَــرّب الميعــــادك

***

ساعــه ساعه إتكـَـرّب اليوم الوفــاة

وكَـلـّـي شمحضـّـر الما بعـد الممـات

محّد إيظـــل عايــش إبهــاي الحيـاة

ويــن آبائـــك أويّــــن أجـــدادك

***

ويــن ابـــوك وجدّك أو وين الأمـوال

وكون عبره إيصيــر عــدّك هالمثــال

عيــش تقــوه إسنينـك وجـدّك حـلال

وبـــالك إتغــمّس حــرام إبـــزادك

***

بــالك إتغمـس لكَــمتــك بـالحـرام

إحكَــوك الله إنطيــهه وحكَوك الأيتـام

لــو ردت بالأخــره تعيــش إبسـلام

إبـــذل ويـنـطيــك اللـه مـــرادك

***

إبــذل إبــدنيـاك هنيــالـه البـــذل

كَبـل مـــا ينكَطــع يفــلان الأمــل

اليوم فرصه وما يصح باجــر عمــــل

إشمـــا زدت بـالخيـــر ربــك زادك

***

مـا ينـفـعــك مـالـك إشظــل بالعمــر

شــــوف رجلــك طــابـّه إبحـلك الكَبر

إذنـوب حــاوي إذنوب بالدنيـــه إشكثــر

ويــا خســارة عمـــرك المـــا فــادك

***

يــاخساره إبيــّـش خلـّصــت السنيـــن

إنتـــه مــا تــدري العمــر كلــّش ثمين

أربعيــــن وزاد فــــــوك الأربعيـــن

كَــلـي بيهـــه إشجــم ذنــب تـعــدادك

***

كَلـّي بيهه إشجم ذنـــب وشكَـــد عصيـت

وجــم يميـــن إحلفـــت من بعـت وشريت

وبــلسان الغيبــــه عـــالـوادم حجيــت

وجـــم حـريجــة ْفـتـنــه شبـهه إزنـادك

***

بــس بعــــد يفــلان متـعــوف الطـمـع

طـــالب الدنيــــه ولا ساعــــه شبـــع

ويـــن قـــارون إشكــثر بيـــهـه جمـع

مــــا يـنـفـعــــك مــالــك أو أولادك

****

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[مـوتـي ولا مـوـت أحسـاسـي]

عاشت ايدك عيوني .

[HamaDa]

تدللين عيوني

[sυρєянυмαη]

يسموووووووووو ورد
تحياتي

[اسد الرافدين]

هلا والله حلووو ورده

[MR_CoOL]

تسلم عيوني حماده
كلمات روعه
عاشت ايدك
تحياتي

[HamaDa]

منورين بمروركم حبايبي
تحياتي

[عراقيه حلوه]

يسلمووووو حماده

كلش حلووووو

دوم الابداع
تحياتي

[HamaDa]

شكرا لمرورج الحلوو
نورتي عيوني