النتائج 1 إلى 4 من 4

الموضوع: العـراق يبـجي بحـضن دجلـة والفـرات

  1. #1
    تاريخ التسجيل
    Sep 2009
    الدولة
    België حبيبي الى للأبـzaidــد
    العمر
    33
    المشاركات
    4,720
    المزاج
    In Love
    معدل تقييم المستوى
    36

    Group Syria (4) العـراق يبـجي بحـضن دجلـة والفـرات

    دجلة

    شبيك يا عراق خضارك صاير أحمر
    محتركَ بيك اليابس ويا الأخضر
    أشوفك على الجرف كل يوم
    مليان حزن مليان هموم
    جرحك مبين
    وطاغي عليك الألم
    ودموع عينك تسيل
    على خدك دم

    العراق
    شحجي شسولفلج يا دجلة
    كولشي بيا أندار
    ولدي مني وبيه
    جرحوني وشعلوا النار
    والكبار صاروا صغار
    والصغار صاروا كبار
    ولدي للأسف تغيروا وصاروا أشرار
    مفخخات وأرهاب ونار وعواصف
    ومنين ما أباوع لابسين حزام ناسف
    ما خلوا كنيسة ما خلوا جامع
    وكل بيت بيه شهيد
    ونوح وبجي وتناهيد
    وصراخ من كل صوب سامع

    الفرات
    حتى المصارين تتعارك بين ضلوعك
    تحمل يا عراق وأمسح دموعك
    أعذرهم
    الوكت غيرهم
    والزمن غدرهم
    ترى بعد بيك طيبين
    وبيك أهل غيرة ومُحبين
    ذولة بحبهُم يضون شموعك
    تحمل يا عراق وأمسح دموعك

    العراق
    يا فرات لو يتعاركون
    مو مشكلة نكـَدر نصالحهُم
    بس ولدي صارو يكـتلون بعضهُم
    أخ يقتل أخو وبالفلوس يغرو
    والغني يبوكَـو وبعدين يهججو
    والفقير يعدمو وبالشارع يذبو
    والناس بالفضائيات تتفرج علينا
    واليسوة والـ ما يسوة يتشمت بينا
    شلون ما أجر حسرات
    وشلون ما أبجي دم
    والطيبين مثل حالي
    بيهم هم يا بو هم

    دجلة
    جم أوف تتحمل يا عراق
    يا زينة الديرة
    لا تكَـَول دجلة ما تحس بيه
    لو حجايتها صغيرة
    صحيح أنة بس أواسيك
    بس بيه الألم بكثر ما بيك
    وهم بيه حيرة
    لكن أعرف كـَلبك بالصبر تاريخ جبير
    وأعرف روحك بالحزن حضارة جبيرة
    الأمل موجود
    ولابد ولدك لأحضانك يعودون
    لآن أنت أبوهم ومعلمهم الغيرة

    العراق
    الله يصبرنا على الـ ديصير
    بأدين ولدي يتغير المصير
    كولشي يروح فدوة ألهم
    ذولة ولدي وهمي همهُم
    آه .. آه
    لو بس يتذكرون أيام الخير
    شلون جانوا ملتمين
    شلون جانوا متخاوين
    مسلمين ومسيحين
    صائبة ويزديّن
    نتقاسم الخبزة سوية
    وعشرتنا طيبة وهنية
    وكَـَلوبهم تنام بيه
    ونتنسم بالعبير
    وبجناحي أحضنهم
    مثل الطير


    الفرات

    أبجي وأشكي بأحضاني ياعراق
    وأرتاح من حسراتك
    وبمكان الآه كـَول يا ألله
    لابد تـُفرج والصار بيك تنساه

    العراق

    الأمل بألله جبير يا فرات وغيرة ما عدنا
    راضين أحنا لو هاي قسمتنا
    نصبر وهم بعد نصبر
    بس مرات أكعد وافكر
    أكـَولن ليش عن كل العالم تفرق علتنا
    وحك تراب الله الـ منها خلقنا
    تعبنا هوايا والله تعبنا
    مرة مرتين تلاثة تجربنا
    رحمتك يا ربي رحمتك
    غلطنا أكيد أحنا غلطنا
    ما ننكرعلى خيرنا تبطرنا
    بس لخاطر الأنبياء
    لخاطر السماء
    لخاطر الأبرياء
    نترجاك وندعيلك
    تفرجها و تسامحنا

    احدث المواضيع:


  2. #2
    تاريخ التسجيل
    Feb 2009
    العمر
    34
    المشاركات
    25,280
    المزاج
    Happy
    معدل تقييم المستوى
    103

    افتراضي رد: العـراق يبـجي بحـضن دجلـة والفـرات

    روعه
    عاشت ايدج على الموضوع
    والكلمات الرائعه
    دوم الابداع
    نتضر كلشي منج حلو
    تحياتي الج

  3. #3
    تاريخ التسجيل
    Sep 2009
    الدولة
    België حبيبي الى للأبـzaidــد
    العمر
    33
    المشاركات
    4,720
    المزاج
    In Love
    معدل تقييم المستوى
    36

    افتراضي رد: العـراق يبـجي بحـضن دجلـة والفـرات

    منور بمرورك الجميل
    تحيااااااااتي

  4. #4
    تاريخ التسجيل
    Jun 2010
    العمر
    35
    المشاركات
    2,023
    المزاج
    Brooding
    معدل تقييم المستوى
    41

    افتراضي رد: العـراق يبـجي بحـضن دجلـة والفـرات

    يسلموووووووووووووو ورده عاشت الايادي تحيتي

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •