شكد عيب...شكد عيب...شكد عيب

[نونه البزونه]

العنوان غريب شوية مووو ؟؟؟
بس اليوم قررت أكتب عن سلبياتنه بعد أن كرست كل كتاباتي بكل مكان عن أيجابياتنه كعراقيين
منين تحبون نبدي ؟؟ أمممممممم خلي نشوف

الحسد لو الغيرة لو الحقد عالناس الناجحة بحياتهه لونحجي عن بعض أصحاب العقول مريضة ؟؟؟

1- شكد عيب لما نكول عن حسام الرسام أنو باع الوطن وتزوج مجندة أمريكية وترك الأسلام ولبس صليب (( مابقه شي ما أنطعن بي الولد ))

2 - شكد عيب لما نكول عن يونس محمود أنو باع اللعبة لقطر علمود الفلوس ونسينه اللي سواه هو وأخوته الأبطال بأمم آسيا وحققوا حلم الملايين .

3 - شكد عيب لما أوكف أبو تكسي وأكوله لفلان منطقة وديني يكولي لا والله هناك يكتلوني (( آني ما أعبر لذاك الصوب )) .

4 - شكد عيب لما الولد يروح على بنية ويكولهه اني معجب بيج ورايدج يالحلال تكوله (( أنت طرح لو تعليك ؟؟ )) . (( والحجي مو بس عالبنات , أكو ولد هم هيج طبعا )) .



كلامي يشمل قلة قليلة من العراقيين (( ولو ميستحقون هالتسمية )) شباب لازم نقضي على هاي الأفكار المريضة , الهدامه لمجتمعنه


وبالنهاية أتمنه أنو تاخذون موضوعي برحابة صدر

احدث المواضيع:

• نداء انسانى عاجل
• الحياةةةةةة
• شرح طريقة سحب أرباحك من شركة تسويق آي أتش بواسطة الويسترن يونين
• الشيخ / محمد بن راشد الهاشمي يكرم 35 محاميا و ناشطا و حقوقيا في اليوم العالمي للاجئين
• اسماء الاشهرالعربيه
• الوحيد الذي أقسم الله بحياته
• حقيقة أن الأمر غريب فعلا :
• ازهار اليونسيا
• أمراض الأخلاق
• أبشع جريمة أغتصاب بالصور والفيديو ممنوع دخول ضعافى القلب.......اجرام

[CoOoL G!rL]

والله صحيح
عاشت ايدج كَلبي عالموضوع الحلو
وان شاء الله نقضي على هاي الافكار
تقبلي مروري

[X MAN]

عاااااشت الايادي على الموضوع الروعه



كلامج ذهب بس اني مو وياج بمال حسام الرسام

ليش منحجي هوه مسلم لو مو مسلم اشلون ايصير يلبس الصليب

شفتي مسيحي علك قران بركبته؟؟ على العموم كل شخص واله وجهت
نظره واني هاي وجهت نظري


وتحياتي الج على الموضوع الروعه وتقبلي رائيج ومروري ورده

[مريومه العراقيه]

اولا عاشت ايدج حياتي على الموضوع الرائع والمهم
ووثانيا كل الي كلتي صحيح ميه بالميه بس للاسف
هوايه عراقين ميستحقون كلمة عراقي/ه
لان الفلوس والجاه والمركز عمت عيونهم وضميرهم مات
غير التفرقه والعنصريه الي صايره والدليل الاخ اكس مان
لمن كال ليش منحجي هو مسلم لو مو مسلم اشلون يصير يلبس صليب
مع العلم حسام الرسام جان قاصد بهيج شي انو يكول لازم منفرق
ولازم نبقى ايد بأيد ونكون ضد الطائفيه بس للاسف ومع احترامي
التخلف صار بلدنا من كل الانواع وما اقصد تخلف بالعلم لا بكل شي
ارجو اني اكون مكلت شي غلط تحياتي للجميع

[نونه البزونه]

شكرا على مرروكم حبايبي
واكيد التفرقه محلوه مدام كلنا نكول الله
وكلنا عراقين

[ابو الجكاير]

والله صحيح بس شنسوي
تقبلي مروري
تحياتي الج عيناي

[نونه البزونه]

شكرا على مرورك منور

[عابر سبيل]

مشكوررررررررررررررررر على الموضوع الروعة

[نونه البزونه]

شكرا على مرورك
منور