مات الشوكــَ بيهــ

[نونه البزونه]

مات الشوگ بيه
وماتت اللهفه
ومو ذاك آنه الاول ..
مثل متعرفه
تغير حتى گلبي ..
مو مثل ماچان
وكل دگات گلبي اليوم
مختلفه
هواي اجروح بيه
وبلكي من انساك
ترتاح الجروح ..
وبالعجل تشفه
هاي انت الردتها
اتواكحت وياي ..
وقابلت الحنان
ابروحك الصلفه
چنت شمعه آنه الك
وسنيني محترگات
خذتني النار ..
گلي ابيا وكت أطفه ؟؟
تذكر من عطشت
أعيوني صارت غيم ؟؟
گمت امطر وأزخ حالوب
ع الشفه
وتذكر من بچيت اگبالي ..
گتلك لا .......
ذب همك عليَّ
وابقى اضحك دوم
اخاف الهم يغير روحك الترفه
شمسح من ذنوبك ..
گلي حتى ارتاح ..
انترس گلبي ابهمومك
ياهو الينظفه ؟؟
چنت ظالم وياي ..
لحد ظلم فرعون
بس تتظاهر انت
ابطيبه وبعفه
حافي اعله الجمر ..
چنت امشي آنه وياك
وياهو العالجمر .. للغير يتحفه ..؟؟

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[دلع المنصور]

شكرا على الكلنات الاكثر من الرائعة
تقبلي مروري البسيط

[مريومه العراقيه]

روعه روعه روعه
ذووووووووووق
عاشت ايدج حبي على الكلام الرائع
دومج مبدعه تحياتي الج ورده

[نونه البزونه]

شكراا لمروركم
منورين