سجل.دخولك.ببيت.شعر.ابوذيةاو.دارمي

[دمعة ألم]

على كد البعد راح ارسم عيون
وعلى كد مااحبك راح ارسمك
واسمك راح اكتبه بحير الجروح
حتى اتعب صدك من اذكر اسمك

[دمعة ألم]

عذرا ما امدحك خايف من الناس
وتدري الناس عدها حلوك مفتوحه
لانك روحي انته وخايف يكولون
اشكثر مغرور هذا ويمدح بروحه

[دمعة ألم]

صفت مثل المسلسل عشرتي وياك
وكَضت حلقات من عدهه كثيره
من اول حلقة اني اعترف اهواك
وراح اهواك للحلقه الاخيرة

[دمعة ألم]

ما أكَدر بدونك,و إنته تكَدر ليش؟
و ليش شما أجيلك عني تتبعد

ديمقراطيتك هجر و ميل الثواني إرهاب
و بكل لحظه ال..تُمُر إجروحي تتهدد

[sυρєянυмαη]

يكولي شلونه محبوبك مافكر يرد النه

كتله اسكت يكلبي وهذا حظنه وياه

محبوبك صفه للغير

واسكت عاد كافي لاتعذبنه

[nosnos]

أرد انشدك وارجوك صارحني ياهواي...تذكرني لوغصيت من تشرب المــاي

[دمعة ألم]

حلاتك ليش هيجي امطشره اعله الثوب
ملهوفه الجفوف اتريد تختصرك
جمالك بين اديه يصير داخل قوس
لتخلي الجفوف المالحه اتبصرك
مملكتك شمع وآنه اعتنيتك خيط
...شح بيه الضوه والنور يم قصرك

[دمعة ألم]

على الطميته لا ترجع تحطّم ..

تعال الگلب بغيابك تحطّم ..

ابمكان الام فلا تگدر تحط ام ..
...
أم انته وغيابك عم عليّه ..

[nosnos]

ألــوم آنـــه وعليه الـــروح لاميت
وأنه بفقدك عدل مدريت لا ميت
علــي بفراكك انتـه شكثر لميت
صــرختــي ودمعتــي ورجفة اديه

[دمعة ألم]

أحسكـ وين ماتروح أظل ساكن بقلبكـ
عشت وياكـ فد روح تحبني وأني أحبكـ
أغمض عيني ولكاكـ وشوفكـ روحي أنت
حبيبي وأنا وياكـ أحس كلشي ملكته