محبس الخطوبه

[L•َِOَِ•Y•َِUَِ•S]

((محبس خطوبة))

صح انته الحلاوة ألبيك ما تنقاس؟

وما بالغ وأكَول من الكَمر أحلى

وصح انته عسل وتفوح ريحة هيل

وصدكَني امنكَولن عالشمس تعله

بس انته قاسي وماعرفتك ليش؟؟

معقولة بعذابـي تريـد تتسلـى؟؟

ومعقولة نسيت العشرة والأحلام؟؟

ومعقولة نسيت الـزفة والكله؟؟

ثيل صرت إلك وانته بيهّ أتدوس

تحصدني وارد ألخاطرك أعلـه

جنت محبس خطوبة بجفك انداريت

وما ظنيت عنـي بـيوم تتخله

لأن ضلي صفيت بكل وكت وياي

ومعقولة البشر يتخلى عن ضله؟؟

ولأن طبعك ورد وية النسيم أتفوح

واليشتم عبيرك ينسه حتى أهله

نقش اسمك حبيبي انطبع جوه الروح

وغيـرك ما أظن مخلوق يندلـه

صح إنيّ فقـير وانته عال العال

بس وكت البرد حتى الفحم يغله

صدكَني حبيبي الراحه راحة بال

وشمحلة الورد لو بيدك أتشتله

وصلنه المرحلة ما تقبل التقسيم

لو يصعد إلك لو انته تـنزله
*****************

الشاعر

جلال البطاط

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[وـرـرده فـرنـسـيـه]

يسلووووووووووووووووووووووو وردة عاشت ايدك

[دمعة ألم]

الله الله روعة
عاشت الايادي وردة
ودي

[L•َِOَِ•Y•َِUَِ•S]

تسلمون عيوني
نورتو

[جلنار]

عاشت ايدك
تحياتي

[L•َِOَِ•Y•َِUَِ•S]

انتي العايشه ورده
نورتي

[HamaDa]

تـسلم ياورد على الكلام الحلو
عاشت الايادي

[الشاعر جلال البطاط]

تسلملي حبيبي انتة ع الذوق الجميل مع جزيل شكري لنقل قصيدتي هذهِ...تحياتي لك يامبدع.

[L•َِOَِ•Y•َِUَِ•S]

نورت قصيدتك يا شاعرنه المبدع