قصيدة غزل وعتاب للشاعر نائل مضفر

[وـرـرده فـرنـسـيـه]

أريد وياك افتح باب العتاب
وأكفر بالعشگ لو گتلي سدة

تنام أبلا مخدة ويخلص الليل
وانة كلساع شابگلي مخدة

صاير ما تحس كلش هلأيام
وحيل أتغيرت بيك المودة

تجر گلبي وتحبسة بطرف الرموش
لاعينك تشدة ولاتهدة

ولو خصرك سفينة وصدرك شراع
وتخدر كل هوة بصدرك تصدة

بس لاتنتفخ كلش على هواك
لانغرگ ولك يسمر تهدة

آنة اشگد اجيتك كفر الباب
من گد ما ألي تفتحة وتسدة

وانتة ولا أجيت بيوم يهواي
حتى بالعشگ گاظيهة خدة

هاي وياك صارت وحدة يهواي
وأمس بالليل هم مطلوب وحدة

كلشي الزين بيك وكلشي مو زين
حچيتة وبلهوة ظليت أهدة

أشوف الزين كلة الأذنك أيروح
والموزين من يمك تعدة

يسباح الشواطي أشبدلك شوك
ليش اتغيرت مو چنت وردة

وأشوف الناس گالت هذا يهواك
وعليك ايدور وجهة اشما تعدة

گلت لا چي حلو مو وجهة اليدور
خدة أيدور حتى أيبوس خدة

وجناتك شمس تحرگ بالگلوب
والما يحترگ يحترگ جدة

احترگ جدي بهواك وشيب الراس
نسيت اشلون كل ذيچ المودة

شتگل للناس ما يعرفني چذاب
ولا شعري لعب جولة على زندة!!!

وانة الچافي العمر من فتحة الزيج
والليمون فوگ اچفوفي ندة

اعددلك شكو بجسمك مسامات
وأسميهن بسمهن وحدة وحدة

مو آنة الخلقتك ونفخت بيك
بس الخالقك ظليت اعبدة

تذكر من چنت تتشابگ وياي
شعرك روج احسه وچتفي سدة

يشدني وأرد أشدة وما أشد شي
لأن خيط الشمس محد يشدة
لأن خيط الشمس محد يشدة

.......................................
اهداء خاص جدآ
الــــــــــــــــــــــــــــــــــــــى
احبك لاخر ثانية 00:00:01

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[CoOoL G!rL]

كلش حلوة
تسلمين وردة عاشت ايدج
دوم الابداع
تحياتي

[وـرـرده فـرنـسـيـه]

نورتـــــــــــــــي
وردة

[عراقيه حلوه]

صاير ما تحس كلش هلأيام
وحيل أتغيرت بيك المودة

تجر گلبي وتحبسة بطرف الرموش
لاعينك تشدة ولاتهدة

ولو خصرك سفينة وصدرك شراع
وتخدر كل هوة بصدرك تصدة

اووووووووووووي حبي
خجلتيني
عاشت الايادي ع القصيده الرووووعه
اموت عليج حياتي

ودي

[وـرـرده فـرنـسـيـه]

تدللين حبي
انتي ماكو اغلة منج

[جلنار]

يسلمو ورده
كلمات رائعه
تحياتي

[وـرـرده فـرنـسـيـه]

منــــــــــورة وردة