اسف يا وطن

[L•َِOَِ•Y•َِUَِ•S]

لهنانه وبعد خلصت صبري وياك
خلص عمري بشبابي وانه بس افدي
كلشي قدمت بالغيره شلت الكاع
شما قدم بعد شو تنگلب ضدي
ضحينه شكثر وانطينه عمر الراح
عمر ثاني بعد افديه ما عندي
لهنانه وبعد يا موطني اترجاك
كافي دموع عيني حفرته لخدي
عمرك بالحرب گظيته تنطي ارواح
وما كولن بطر ما اكدر شحدي
ولأن أنت العراق الدول ختلت بيك
واخويه العربي خاف وجلب بيدي
ومن أنت عثرت محد فزعلك ها
شفت عمر النذرته لناس ما تسوه
كاع الي نطتهم من يمرهم عوز
ردوا فضل الها وزرعوا العبوه
وصفت بيد السياسي يا وطن هالناس
وعلى كرسي السياسه حطته الشهوه
اسف يا وطن عن الحجيته هنا
ابدايتها القصيده امهلني بس عطوه
ثق شما حصل تبقه انت دوم عگال
وعلى فنجان دلتي تركع الگهوه
عمري كله الك يا موطني ادعيناك
عمري الف مره ايروحلك فدوه
بقلم
أيسر الأعسم

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[جلنار]

عاشت ايدك ورده
كلمات رائعه
دوم الابداع
تحياتي

[L•َِOَِ•Y•َِUَِ•S]

انتي العايشه ورده
من ذوقج هذه عيوني
نورتي

[دمعة ألم]

عاشت ايدك وردة على الطرح المميز
تقبل مروري البسيط
دمعة ألم