دارميات حلوة

**دمعة ألم** · 2010-08-29, 11:39 PM

لاتظن يوم انساك يالروحي عندك
لو ماكفر بالدين صدكني اعبدك

انت النهر ياحلو ويبقى عذب جاريك
ويزدادحبي الك كل مايمرطاريك

تذكرتك وانا ساهر وسالت مني الدمعه
تذكرتك وانا مسافر وحنت نفسي للرجعه

خلصت تراهه الروح ودواهه عدكم
يتعذب بدنياه ليش اليحبكم

خليني يمك حطب منتبرد اشعل نار
وبالصيف قالب ثلج لوجان ميك حار
شتريد اطلب علي محبوبي اكلك صار
بس لاتعوف الكلب بعدك يظل محتار

يتشابهن بالضوك ملحك وملحي
بس انه فوك الزاد وأنته على جرحي

انته الدوه الموصوف للعلته بالروح
وما تحله بس وياك لجمات الجروح

طاح الكلب غركان ميكم صفه عليه
يترجه منكم عون مدو الحبل ليه

الكَلب تالي الليل فز يطلب اهواه
كل ساعه يريد يروح والعقل ينهاه

الكَلب تالي الليل فز على ونيني
لو للحبيب تروح لو توديني

**وـرـرده فـرنـسـيـه** · 2010-08-29, 11:41 PM

يسلمووو وردة
حلوات عاشت ايدج
ودي

**CoOoL G!rL** · 2010-08-29, 11:57 PM

حلوات كلش
تسلمين وردة عاشت ايدج
تحياتي الج

**جلنار** · 2010-08-30, 12:03 AM

كلش حلوات
عاشت ايدج ورده
تحياتي

**دمعة ألم** · 2010-08-30, 12:08 AM

تدللون صبايا
منورين

**sυρєянυмαη** · 2010-09-05, 07:56 PM

كلش حلو
يسلموووووووو
تحياتي

**emo love** · 2010-09-05, 08:25 PM

يسلمو وردة عاشت ايدك الحلوة

**دمعة ألم** · 2010-09-05, 10:32 PM

تدللون ورود منورين

**Taha Alaa** · 2010-09-06, 02:46 PM

حلوة عاشت ايدج والله

تحياتي

**soft moon** · 2010-09-06, 02:58 PM

حلوات عاشت ايدج
يامبدعه
تقبلي مروري البسيط
ودي

الموضوع: دارميات حلوة