الحب الاول

**بنفسج** · 2010-10-16, 12:41 PM

السلام عليكم
اجمل اشعار الشاعر الكبير نائل المظفر اتمنى تعجبكم اسمه
الحب الاول

لانك بالتزامك مو من اهلك

اخاف تشيل ذنبي مو منو اهلك
منو بكدي يحبك مو من اهلك
منو بكدي يحبك من عشرتك
وتمنه يصير اصبع من عشرتك

وانه شكضيت خايب من عشرتك
اعد بسنين عشرتنه وهي جروح
واحس ويه النفس يطلع وهج روح
واخيرا كتلي ودعني وهج روح
اروحن وين مااكدر هوه انت
وانا الما هان من اجلك هو انت
الي بدنياي شي واحد هو انت

وحرت بين ان تبعته وان تركته
وانه الونيت والون ون تبعته
ما باعك حبيك وانته بعته
حبيبك باع عمره واشترك بي
وحزن كلبه عله حزنك واشترك بي
وبعد شدوس كلبي واشترك بي
جبل حبه وتكلكل لن تكل بي
يادنيه شما دفعتي لن تكلبي
واذا تنسى يكلبي لنته كلبي
ولا اريدك بعد وبصدري احملك

حبيبي شلون ترضه بصد رحم لك
اذا حملك يتعبك بصدري احملك
الي وروح الارض وشكد دولها
وتداوي الداء لو بالمخ دولها
بس العين مايحصل دوه الها
دواها العين خله من تقر بي
وتصب كلما تشوفك منته قربي

ولك شيصير حبك من تقر بي
يقين انت تحبني بصدري مو شك
الف شوكه السكوت بصدري موشك
انذبح كلبي وتشظه بصد رموشك
وعرف محد يدفنه وشي دفن شي
وعكب صده المواكد شي دفن شي
كفر من رسم غيرك شي دفنشي
واظن للجنه يدخل من يرسمك

حبيبك يمسح اسمه من يرى اسمك
بسمك حبي جمالك من يرسمك
وانه الليل بعيونك شفته كحله
وشفت شمس الاصيل وشفتك احله
العسل من ضكته كلك شفتك احله
اذن لو من شفاهك بستك اشفه
اذا انت المات يعدل بس تكشفه
شتظن حبك يضعفك بس تكشفه

وعلي تخفي اهتمامك واكتراثك
وانه المن مات كلبي وكتي راثك
نسيت الحب الاول وكتراثك ؟
صدك ينسه تراثه هسه جيلك؟
وتشوف سوج عيني هسجي لك
وانادي وما تكلي هسه اجيلك
صحتلك يا وصارت كبري يائي
واذا رائيت بالشط كبريائي
حبيبي شلون تجرح كبريائي؟

وتذلني كبال كل ناسك وناسي؟
وبقيت بصحره شاتلني وناسي
ناس تكول لا تسكت وناس اي
لان كلش مذلتي لاكتلهم
وجل حبي المقدس لاكه تلهم
كالو حيل ذلك لا كتلهم
عنايه احتاج كلبه وجاي اعاني
وخفيت شكثر منك جاي اعاني
تمرمرني من ازورك جايع اني

شكثر ندمان جي بيتك عتبته
وعرفني الباب من دكتي وعتبته
عتابي وياك جي احبك عتبه
كلبي شلون يمهم وكسرتي
اسير وذل شجالك وك اسرته
كبل جانت اسرتك وك اسرته
اسرتك هسه سمتني الضحيه

منقوول