ضحكت انه شكثر من شفت عرسك صار

[بنفسج]

ضحكت انه شكثر من شفت عرسك صار
وبيك اتشمتت لن طبعك انعرفه

ماشفت العرس كدامي من زفوك
شفت تابوتك انت بساعة الزفه

شفت بس النعش واهلك بقو يبجون
لأن ضنهم كسرته وما اضن يشفه

وانه ياما وصفتك تــُـحفه بالاشعار
وكلبك مايدك هم يشبه التـُحـــفه

كبل نضفتك اني ومانفع وياك
لان كلبك وصخ متكلي شيــنظفه

ماتصفه انت نيتك من كبل ادريك
واذا نيتك مشــت عالطين تتحفه

ماتصفه انت ابد موبيدك الموضوع
شسويلك بعد نيتك فلاتصفه

اذا حته النهر يكره يمس جفيك
ولبس جف النهر من شالك بجفه

ولا ضفه التريدك انت يل مسكين
وياضفه التشوفك تشرد الضفه

اكدر اجرحك واكدر اذل عيناك
واغدرك اكدر اني و بيك اتشفه

سفينه بلاشراع اتخيلك بالماي
وفوك الضيم بيك انكسرت الدفه

يل نايم ضميرك وانت صاحي اليوم
ومن يكعد ضميرك تتركه وتغفه

ولك محد يحبك جاملوك هواي
حير بنفسك انت وشوفلك صرفه

دمك لونزف محد يجيك اسعاف
لان دمك قذر وينكس بنزفه

حته جفوف كلبي تغمك من تفوت
وعليك الناس تهمس (موت اليكرفه)

نزلت المستواك من السمه الهلكاع
وشفت شكد ضروف هواي مختلفه

ومثل طبع الصكر من ينزل اعله الصيد
نزلت وهنتك بكل روح متلهفه

كشفتك للبشر عرفوك ياجذاب
ماتسوه بعد تـــتصنع العفه

يل شفافك صفت ساحة حرب للناس
وعليهه اطلال ضلت من الف شفه

ولك محد يحبك جاملوك هواي
حير بنفسك انت وشوفلك صرفه

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[حمكي]

وج اييييييييييييي
كلمات واحساس راقي
عاشت الايادي
على الموضوع والكلمات الراقيه
نتضر كلشي منج حلو ورده
تحياتي لاج

[HamaDa]

عاااشت ايدج يامبدعه
على الموضوع الجميل
ننتضر كلشي منج حلو
تحيتي

[بنفسج]

منورين شباب الموضوع

[وـرـرده فـرنـسـيـه]

يسلمو وردة عاشت ايدج