ابوذيات حب

**دمعة ألم** · 2010-11-04, 09:38 PM

بقيت لوحدي كمت احجي ويه حالاتي
دموع العين مو نشفت ش حالاتي
ادور اسنين من عمري وحالاتي
مثل غيمه سمه وتمطر عليا

حنانك ما وصل مره حناني
قسه كلبك كسر هجرك حناني
اذا اشموع الفرح يمك حناني
الشموع تذوب وجفونك بيديه

امنين اجيب الصبر واصبر على بعادك
وشلون اواسي الكلب والروح تحتاجك
ادري طريقي صعب ومو هين فراكك
بس هذا حكم القدر اتحمل غيابك

اني مال انساك اكبر مستحيل
بيه كل دكة كلب تحتاجلك
واني ما اشتاقلك تدري انت ليش
لان ما ناسيك حتى اشتاقلك

جرحي بغيبتك يكبر اخاف العاذل يشوفه
محبتك عمر مو يوم وعندك هاي معروفه
علا مر الزمان اهواك وحبك كلمه مالوفه
اذا انساك يعني الموت وحك من كطعو
اجفوفه طبع بيه ويظل للموت حبيب
...الروح ماعوفه

خيطت عيني برحيلك حتى غيرك مااشوف
وحتى بعدك مااصافح كطعت هاي الجفوف
وحتى بعدك مااسولف مسحت كل الحروف
وخاف كلبي يهوى غيرك كلبي حزيته بسيوف
ولو عفت كل شي بحياتي حبك انت مااعوف