الجرح يكبر

**الكاسر** · 2010-12-03, 03:04 AM

الجرح يكبرمعي والناس مشغوله
واللي ابيهم مشو واحد ورا الثاني
:::
الليله يا طولها والليل يا طوله
واللي ورايه احس انه تعداني
:::
الوقت لا من تغير هذي فعوله
اما لعب لعبته ولا تحداني
:::
أبواب مقفله و دروب مجهوله
وإذا تبي كل حاجه لازم تعاني
:::
كلام بقوله لكن مقدر اقوله
اشياء في خاطري توقف على لساني
:::
غلطه ومن صاحبي واقول مقبوله
مره علشانه ومره علشاني
:::
تكفون وانتم اليا جيتوه قولو له
اني اعزه كثر معزة أخواني
:::
معقوله ينساني لا ما هي معقوله
حتى الشعر وقتها ما راح ينساني
:::
مرات احس اني حاكم تنقصه دوله
ومرات مدري من اللي ينقص الثاني