ادري ستايل لو لعبان نفس....

[الحيدري]

هلاو مناقشجيه

طبعا موضوعي عن الستايل والموده وهو موضوع جدي و حقيقي

طبعا الكل يعرف وديشوف العجايب بلبس وستايلات الشباب والبنات

نجي عالشباب بالبدايه

بالفتره الاخيره الكل ديلاحظ انو الشاب صار همه ودينه وعقله الموده وستايله وهندامه شلون طالع

نحجي عاللبس وبعدها عالفيكات

يعني دنشوف لبس وربي عجيب مثل بنطرون برفع الجوارب والحذاء يركض سنه ضوئيه كدامه وتشوف البنطرون منزله مدري لي وين والجيب مال بنطرون واصل الركبته والحزام مادري ماخذه يمسك بنطرون لو ماخذه درع واقي

,,

هاي غير القمصان والبديات اللي ماانزل الله بيها من سلطان الوانها متنحجي ومنتفه
يعني اهم شي خيوط من القميص والبدي اهم شي خيوطه طالعه ((يبين مشكوك))

زين شنو انت دتلبس للأناقه لو بنيتك تشوف الناس لابس مشكك ووتكف اباب الجامع

البناطير الشك والموده مالتها من الركبه والفخذ ومن جوه

يعني شما احجي وربي مااكدر اوصف اللبس

اريد تفهموني شنو غايته من هالقشمره يعني ديجذب نظر لو بس موده والسلام؟؟؟؟؟؟؟؟

هسه نجي للفيكات,,,,,

قصدي بالفيكات هي فيكات الشعر والحواجب واللحيه

هسه مود الشعر يسويله طسه او مو طسه وربي خندق

تشوفه من يم الاذن فوك الزلف جارخ نفسه بشارع الى نهايه راسه شنو الغايه من هالشارع المبلط يعني ايمته راح تمليهالفراغ اللي بشعرك والفراغ اللي بعقلك

والسكسوكه مودتها مشطبه فوك ماربك كملك اللحيه وسوالكياها كامله انت تجي تحفر بيها يعني واحد لحيته عبالك لاعب بيها ريز او حي وسلم هع

تشوفها اكسات مربعات مستطيلات

يعني بربي شفت واحد بأربيل لحيته كتاب رياضيات كافه العمليات الحسابيه بيها

بس كتله استعمل زيت الخروع لان لحيتك ماتطلع ومحفره كال امشي باب اني لحيتي كامله بس اني درست عليها رياضيات وحفرتها

واذا يشوفها الابوه يكوله وجع شنو هذا الولد يكول بنفسه اهوووووووووو ابويه عايش بزمن صلح الحديبيه بعده ميعرف بالموده؟؟

والحواجب مجروخين جرخ وربي والحف علني يعني سوري ع هالكلمه بس لعبان نفس صار

اذا التقدم صار باللبس الله يستر من بعد جم سنه يجوز نمشي ملط ع كوله المصريين نلبس من غير هدوم هـــ‘ع

عليكم الله واحد يجاوبني شنو الغايه منها؟؟؟؟؟؟؟؟؟؟؟؟؟؟؟؟؟؟

نجي للبنات وهايه الكارثه هنا؟؟؟

ومداحجي عالحجاب العادي

اقصد الحجاب الموده

يعني لبست البنيه وغطت شعرها...لا يابه يا شعرها اصلا بس اجت وخلت ع راسها وصله مخمله تبين ثلث اراع الصماخ طالع والمكياج وتسألها الحمد لله محجبه؟؟؟

اعتقد هالشي يجي من غصب البنت عالحجاب يعني لزكان ابوها وتلبسه وهي مو مقتنعه بيه

وماريد اطول عالحجاب لأن حاجيين بيه كبلي بس ردت رأيكم ؟؟

يعني ياتلبسين حجاب عادي يا بلا فيكات

واللبس بعد روحي اللبس

صار الشباب والبنات تقريبا نفس اللبس والالوان والله صدك

واني مداكول للبنات اتحجبوا او شي بس انا داحجي للي يلبسون حجاب غصب عنهم

ومراح احجي عاللبس لا اجرح او اذا حجيت راح يكولون حقنه

انا كل همي بهالموضوع ليش هيج شنو الغايه

وطبعا هذا الحجي مينطبق على الكل احتراماتي للزينين
بس الشينين اريد افتهم ليش
تقبلوا ودي
اخوكم
الحيـــــــ ـــــدري

احدث المواضيع:

• الصداقه مارايكم فيها وهل توجد صداقه حقيقيه
• ماريكم في السوالين ؟؟ انتضر جوابكم
• ماذا لو طلب منك احد والديك بترك شريك حياتك او حبيبك؟؟
• المغالات في حب الصديق تذهب الهيبة وتسقط الك
• ضع علامه (√ ) او (×) امام العبارات التاليه: <<- - -
• سرك طريق رئيسي لجرحك
• ســــؤااال خطــــير
• لو طلب منك ان تقول كلمة واحدة من كل قلبك فماذا تقول؟؟
• هل تؤمن بالمستحيل؟؟؟
• ماذا ستكتب على .. جـدار الـــزمـــن )..

[وـرـرده فـرنـسـيـه]

تسلم وردة على الموضوع
طبعا شبابنا
يتوقعون انه بهذي الطريقه
راح يواكبون التطور
ومن تحجي وياه ادكولة ليش
هيجي مسوي
ايكولك حرية وديمقراطية
يفسرون الحرية الديمقراطية
على اساس انه هي همجية مع كل اسف

[دمعة ألم]

شكرا وردة على الموضوع والطرج الراقي
لانه اني دالاحظ هواية من الشباب ميعرفون اصلا شنو يسون وكل هذا دياخذوه من باب الديمقراطية وتقليد بعض الاجانب
وهل شي هم ميعرفون محلو حتى يقلل من شخصيته لانه اللبس والذوق هو هم جزء من شخصية الانسان ويعكس صورته امام المقابل الي ميعرفه
اتمنى ينتبهون يعرفون يستخدمون الحرية والديمقراطية بمفهمومه الصحيح
ودي

[عنفوان الحب]

مع احترامي للشباب وللبنات
هو بس ديمشي
وين ما تمشي الريح
وعساس ديواكب التطور بلبسة
البنات او الشباب
وبس ديقلدون الاجانب
وماكو ذوق في اللبس
بس
ما اريد اكمل لا اجرح احد
يكفي
تحياتي
وشكر لطرحك المميز

[الحيدري]

طبعا بالبداية حياكم الله كلكم
وصح لسانكم وحجيكم كله ذهب و صحيح وعلى راسي
تقبلوا ودي

[حمكي]

عااااااااااااااااااااااااااااااااااااااااااااااااا ااااااااشت ايدك على الموضوع الحلو والواقعي

طبعا مع الاسف الشاب العربي والعراقي بصوره خاصه
يشوف هذا الشي حلو او من التطور
بس ميعرف هذا الشي يقلل من هيبته وكرامته وكرامت اهله

صح كلنه البسو وتانقو بلنسبله للشباب او البنات بس كلشي بحتشامه ومينقص من قيمتك وقيمت بلدك
او قيمت اهلك شي

والله والله والله قبل كم يوم اني شفت ويايه فلنتينو بجرمانا بدمشق شاب عراقي مربي شعره ومحفف حواجبه
ومكيج ولابس بدي مال نسوان والله والله والله

هذا شيكول الاهله من يطلع شيكول الروحه البدي ابو الدلع وبع ردن والله العضيم

على كلن ماحب اطول
بس هذاالشي مخززززززززززززززي ومعيب على الاهل وعلى البلد وعلى الاسلام

[الحيدري]

اخي العزيز حمكي
هذا الشخص اللي حجيت عنة صدكني حتى اهله متبرين من عنده لانه ما اتصور اكو واحد يقبلها لأخوه أو لأبنه أو حتى لصديقه
الله يصلحهم ويعدل أحوالهم يا رب
شكرا على مرورك يا متألق
تقبل ودي

[عراقيه حلوه]

عبالهم تطور
بس اني سؤال حيل محيرني لمن يسوي هيج ميسأل روحه هايي شنو اني شدااسوي
بس مع الاسف الكل صاير هيج والله شنوو موده

طبعا عاشت ايدك ع الموضوع الراقي
دومك مبدع
ودي

[حمكي]

والله ياخويه اذا متبرين منه اهله
ميطلع من بيتهم هيج وكدام اهله
وشغله متخلفين متخلفين بس عقل ماضل العالم فلتت فرد فلته
جان اكو تقيد عليهم بس من نشال عنهم فلتت وماكو رقيب
على كلا الله يسلح الجميع

[مـوتـي ولا مـوـت أحسـاسـي]

ممم طبعا اني اتخبل من شغله حف الحواجب يعني الولد تحف وطول شعر وطول اظافر البنات شيسووون؟؟؟!
والبس والالوااان والقميص المفتوح او يلبس بدي وممصدك بعظلاته والكلايد والسوارات
والزناجيل الي بالجينزات .

اما البنااات الله عالاستهتاااار الحجاب 100 لون وكله كراكيش ولماع ومدري شيحشووون
والتنانير الكصار ويه الحجاب هاي ماادري شلون رهموهه اتمنى اعرف
والمكياج يبووو يبووو جنهم مشايفين يصبغووون وميلحكووون ليل نهار رايحه حفله رايحه مدرسه لازممم تصبغ روووحه

وغاية الووولد ماعرفه ولا حته البنااات يمكن هذا خبااال لان مااعتقد الي تسوي هالشي اله غايه ولا اعتقد اكو ولد يعجبه هيج شي لان زودوه فد مررره .


وتبعا سوووري الصبااايااا بس اكللهم بطلوا هالسوالف التعبانه محتحلون بحمره لو بتنوره.


وكلش يسلمووو ع هالموووضوووع