تعالو كولو اكثر موقف مضحك صادفك بالمدرسه

**مريومه العراقيه** · 2008-10-03, 11:07 PM

هلو بنات شباب شلونكم ان شاء الله الكل زينين
حبيت اسوي هذي الفكره البسيطه
وهيه اتكول اكثر موقف مضحك صاديفك بالمدرسه شنو هوه
اني حبدي اكثر موقف مضحك صادفني
جان عدنه مدرسه دائما انصيحلها ام كفشه
مره جنا كاعدين بالصف عدنه درسها وتاخرت مجتي ودنحشش عليها
وصوتنا جان كلش كلش عالي ضحك وسوالف واصل للاداره
صدفه جتي المديره جان اتكول منيه هذي ام كفشه احنا كلنالها بنيه من البنات
المهم جان اكو بنيه رايحه تشرب مي جتي على الصف متعرف المديره موجوده
جان اتكول بنات جتي ام كفشه هههههههههههههههه يابه ولو تعرفون شصار
ههههههههههههه ماكو هيج كبسه المديره انطتنا عقوبه للكل قصاص نوكف اليوم كله
بس جنه خربانين من الضحك ولا همنا بس اكثر موقف صار مضحك هوه هذا
هسه انتو كولو اكثر موقف مضحك صادفكم
انتظر تفاعلكم تحياتي

احدث المواضيع:

**Bl@ck_E@gle** · 2008-10-05, 01:31 AM

مرة جان عدنة درس فيزياء و هو فد استاذ عطل و زمال كلشي ميفتهم نسميه سنبل
جان ديشرح (و اكيد محد مفتهم) خلص اجة ديكعد عالكرسي (الكرسي مكسور والصف كلة يدري بس محد كلة) كعد عالكرسي جان يصفى بالكاع و الصف كلة طك من الضحك عليه بس كام و كمل بكل روح رياضية و احنا كلنالة استاذ انت كسرتة ادفع فلوسة ( لعد شكد خباثة احنا).32:

مشكوووووورة مريومة عالفكرة الحلوة صدك ذووووووووووق

**مريومه العراقيه** · 2008-10-05, 11:26 AM

ههههههههههههههههه
تدلل وشكرا على مرورك الرائع منوررررررر
انتو الولد غير خبائه عدكم خطيه الرجال ظهرهه راح
هههههههههه شكرا على المرور مره ثانيه منوررر

**StaY WitH Me** · 2008-10-09, 05:18 PM

يووووووو رح احجيلكم مواقف مو موقف هع

اول موقف

مرة سويت روحي جاكيه و اني وبس رحت على ولد مضوج بنات المدرسة
رحت عليه لزمته من هدومه كتله لك شبيك ويا البنات كلي ما بيه شي ضليت لازمته
ورا شويه يريد يروح هوه جان يكلي ايه كتله نعم و جان يجيبني ببوكس بحلكي هع
و اني لا بيه ابجي لا بيه اضحك هع

الموقف الثاني

مرة جنه كاعدين و هدوء و ضوجة و همينه عندنه كرسي مكسور و المس متدري
فجتي و هيه دتشرح كملت شرح دتكعد و احنه يمها جان اسوي طرااااااااااب و زرك بالكع

الموقف الثالث

مرة كاعدين بدرس عربي فعدنه مدرسة العربي يمكن تاكل جدر تمن بالوجبه كلش سمينه
و سودة و ريحتها مالت عرب جول المهم و احنه بالصف نحب نستفزها لانه من نستفزها تكوم
تسوي حركات تموت ضحك المهم جنه كاعدين و ضوجة و هدووووووووء فواحد بالصف كعد يركص و يضحك ويغني و احنه وياه و هيه دتشرح لروحها جان تجي علولد نزعت مناضرها و ساعتها حطتهم علرحله و جان تلزمه من هدومه و حطته بالزاويه و دك جلاليق ووين ميوجعه و راشديات و انتو جيبو بطن و اضحكو
(بس احنه الانتصرنه خلينه الادارة تطردها هع )

و بعد كومه مواقف هوه بس واحد 2 هع اجيبلكم بعد بعدين

**مريومه العراقيه** · 2008-10-09, 07:43 PM

ههههههههههههههههه
شكرا حبي على مرورج الرائع
منوره وتنورين مره ثانيه شكرا على مرورج حبي
تحياتي الج

**سََـ,,ـفِــير الـَـحُبــ,,ـ** · 2008-10-10, 03:18 PM

والله هسه حاليا مكاعد اذكر اي موقف لان راسي يوجعني فمن اذكر اجيبلكم مواقف صارت بيه كلش هوايه

تحياتي

**مريومه العراقيه** · 2008-10-10, 06:46 PM

تنور شوكت متجي
شكرا على مرورك

**Mr.Sheevo** · 2008-10-15, 10:04 PM

يعني يبوووو شحجي دا احجي كومه مواقف اكووو
يعني احد المواقف مال بلاك ايغل
خلي احجيلكم هاي
جان عدنه درس احياء مره
فاحنه لمن يفوت ابو الاحياء الكل تنام او تفتح انتر نت من الموبايل
فجنه كاعدين جان صديقي يكول اكو برنامج مال ياهو يمي
واحنه كعدنه دنفوت ياهو ولابسين الاستاذ
جان الاستاذ يكول بعد من اشرح احسن
اكول اسم الموضوع واطلع
واحنه عباله عدنه احساس ومحد من الولد حس وكملنه مشغلين انتر نت

وان شاء الله قريبا راح انزل فديوات المدرسه والصووور وكلشي وكلاشي

**مريومه العراقيه** · 2008-10-18, 01:29 PM

ههههههههههههههههه
ان شاء الله وشكرا على مرورك ورده
منورررررررررررررررررر

**دلع المنصور** · 2008-10-24, 08:41 PM

والله صايرة بية هواية مواقف
بس اكثر شي واحد حلو
من جنت بالابتدائة جان الصف مالتنة الشباك مالتة على الشارع وجان الجرس مال مدرسة عبالك واحد ديدك على قنينة غاز
والله جان واحد ابو غاز يدخل بالشارع مال مدرسة واني عابلي دك الجرس
جان اكوم واطلع من الصف بعدين شفت بس اني طالعة من المدرسة فحسيت على روحي ورجعت
طبعا المدرسة جانت واكفة دتشرح بس دايرة وجها على الصبورة
وطبعا اني طلعت وطبيت والمدرسة مشافتني
من رجعت كلنا كما نضحك حتى المدرسة ضحكت بس متعرف شنو السالفة هي
ههههههههههههههههههههههههههه

الموضوع: تعالو كولو اكثر موقف مضحك صادفك بالمدرسه

أدوات الموضوع

تعالو كولو اكثر موقف مضحك صادفك بالمدرسه

احدث المواضيع:

ضوابط المشاركة