نذرت اذبح كليبي بيوم ينساك

[شمس الحب]

على باب الجــرح دك جفك بسجين
واعرف دكتك وافتح شرايينــــــــي

لان في ما مضى للروح جنت الروح
ومكانك سابقا مابينك وبينــــــــــي

تأخرت بمجيئك وينك من سنين
يالمسلب شبابي بحالي خـــــليني

ذبل ورد المحنه ومات بيه الشوك
تمنيتك كبل مو هسه تسكينـــــي

جوعانه السنين ويوم ياكل يوم
عصرن ماي عمري وشربن سنين

جفت وجهي الملامح والفرح مختاض
وجه خيط العمر يم نار سجيــــــني

واكل عيني السهر كمت احلم احلم بيك
وولا طارش وصل منك يواسيـــــني

قفل بابه الكلب لالا تمر خطار
والموكد طفه ونامت فناجيــــــــــني

ومشيت بلايه خطوة وكاعي تنضح خوف

عثرت بذكرياتك باقيه بطينـــــــــــي

جنت مثل السطح مفتوح كلي وياك
ضنيتك سمه وتفهم مضاميـــــــني

وضكت مر الحقيقه بكاس من صدمات
من ايدك جنت كل ساع تروينـــــــي

وكبل سوطك قلم والظهر جان اوراق
كتبت فوكي قصايد لسه تاذيــــــني

وتطشرني المصيبه واسكر ببلواي
وتلملمني المصايب وارجع لدينــــي

وكلت خبز السوالف شفتي ويه شفاك
وبس ملح السوالف واكف بعينـــــي

انا عيني بصيره والجفوف طوال
ما اذل للعنب وارفعله جفيــــــــــني

صح ضكت العنب بس هو ينزل جان
بضميرك ياعنب هم كتلك انطينـــي؟
ما امشي بعد خلف اليبجينــــــــــي

نذرت كليبي اذبحه بيوم بي انساك
وهسه انت افتهم هاليوم اسد دينــي
انه سوالف قديمه وحسجه الشياب
ويمر وجهك حداثه يريد يلغينــــــــي

تضحكني شوكت وانا ابجي عمري الراح

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[الملك ارثر]

يسلموووو عاشت الايادي
دوووووووووووم الابداع وردة

[وـرـرده فـرنـسـيـه]

تسلمين شموسة عاشت ايدج
كولش حلووووووة

[شمس الحب]

تسلمولي يالغلا
منورين حبايب
شكرا لمروركم الحلو
تحياتي

[عنفوان الحب]

شكرا عاشت ايدك
رووووعة وربي

[شمس الحب]

مرورك هو الروعه
منور وردة
شكرا للمرور
تحياتي

[فيلسوف الحب]

عاشت ايدج

يا مبدعة على هذا الكلام الحلوووووو

تحياتي الج

[شمس الحب]

منور وردة
شكرا لمرورك الحلو
ولا تحرمنا طلتك الحلوة
تحياتي

[وـرـرده فـرنـسـيـه]

والله شموسة ما ادري
شكولج
بس روووووووووووووووووووووعة

[عـ,ـرآقـ,ـيـ,ـة آلُـ‘ـُكُـ‘ـُلُـ‘ـُ]

عاشت الايادي موضوع حلوووو
دوم الابدااااااااااااع
تحياااااااااااتي