سجل.دخولك.ببيت.شعر.ابوذيةاو.دارمي

[دمعة ألم]

اصبر واصبر الروح واشكي من الفراگ
لويمي كــل الناس بـــس الك اشتــاگ
تدري امنسولف بيك شيصير بيه
الگلب يرجـــف حيل يوگــــع بديه

[دمعة ألم]

آنه مال انساك أكبر مستحيل
بية كل دگة گلب تحتاجلك
وآنه ما أشتاگلك تدري انته ليش
لأن ماناسيك حتى اشتاگلك

[دمعة ألم]

انته حسنك ظاهره ورمشك خيال
ومن تنام الناس تحلم تعتنيك
حسن يوسف معجزه وكص الجفوف
ونته يوسف شاف حسنك كص اديك

[دمعة ألم]

بغيابك ماأميز الشمس من في !
وبدونك أنا ما موجود منفي !
تعال أدخل بكلبي وشوف منو في !
أذا غيرك لكيت أعتب عليه

[دمعة ألم]

وي قلبي من اسولف تسمع انته اشلون
جنت وين انته كاعد والحجي اسمعته
حيرني الامر بس طلع بيه الصوج
اسولف للقلب والقلب ثاري انته

[دمعة ألم]

حبيبي الكلب بطل يدك بعداك
واخذ صبري وعمالي العين بعداك
كون الصار بيك يصير بعداك
وترد يمي وترد الروح بيه

[مستشار الغرام]

يا غالي والغالين قله بزماني
فدوه الك هاي الناس
واولهم اني

[دمعة ألم]

تعال الشوك ذابحني
تعال ونام باحضاني
عليك الله حبيبي ارجع
غيابك حيل اذاني

[دمعة ألم]

آنه ما اشم الهوه إنته هواي ..
ومن أشمّك حيل احس بيك الهوه ..
شفافي من تعطش فلا يرويهه ماي ..
إنته ماي و گلبي من عندك روه ..
و آنه حتى الشمس ما رايدهه هاي ..
...اخدودك مضويات شلّي بالضوه

[دمعة ألم]

بوس بيه واني اقبل ابوسك
واذا رايد بعد بوسات ابوسك
قسم بالله اذا اوصل لابوسك
اخيط شفاك وشفافي سويه