شيصير لو البنات هم اللي يخطبون الشباب؟؟

[الحيدري]

يعني تتفاجأ في يوم وأنت كاعد تقره كتاب رومانسي و مشغل

أغنية حلوه مثلا لهيثم يوسف , الا و أمك جفتت غرفتك

و ستوهه جاية من المطبخ و تكلك: يمه اريد احاجيك بموضوع

ترد أنت بكل خوف : خير يمه؟

أمك: ترى جارتنا أم خالد تريد تخطبك لبتهه قسمه

وأنت ما شاء الله كبرت و احلويت ووصرت صاك. ها شتكـَول؟

تنزل راسك بالكاع تظل تلعب باظفيرك
و ترد و أنت مستحي و خدودك حمرة (هاي اذا جنت مزين لحيتك) و تكـَول
والله يمه بكيفج
امك:والله يمه البنيه حبابه ومعدله وشاغوله مابيهه شي يتعيب

تكـَول انته :مو يمه ما شايفتني دوم ملفلف بعكالي

امك: يمه مو هيه شافتك من اجيت من الكليه
و كالت خوش ولد مستور وعينه بالكاع

والخميس تجي هيه وامهه يشوفنك.....ها شتكول؟
تسال أنت: اي زين بس ابوي شنو رأيه؟

امك:لا يمه هسه ابوك نايم وماعتقد يعارض

انته تكول :خوش يمه هاي هيه
وتطلع أمك من الغرفة

انته تكمز على المرايه تظل تباوع على نفسك وتظل تتطوه
تشوف جسمك و تمشط شعرك وانته فرحان وخجلان بنفس الوكت

الله..... ما مصدك نفسي
و قبل يوم الخميس تروح أنت لكوافيير رجالي حاجز وتصبغ شعرك اصفر(صدقه لله شلون منظر)

وتروح للخياط يخيط بدله الك وبيهه جاكه من وره (عااااااااااا ولد يلبس بدله وجماله بيهه فتحه )


ابوك يجي :يالله بابا فوت ودي البيبسي

تكله اهوووو بابا اني حيل مستحي بس لا اكب الببسي

ابوك يكلك دروح بابا شوف العروس فضهه

تاخذ الصينيه وتدخل وانته ميت من المستحه
ناعم: احم احم الس سسسلام عليكم(غير خير خرب عمي)

وهيه تباوعلك تكـَص بيك من فوك ليجوه وتكول بكلبهه (لك هذا غير حلو)


تجي انته تكللهه تفضلي عيني
تكلك :: ما شاء الله عليك

تحط الصينيه وتركض بسرعه وانته تضحك

اخوتك متانينك يكلولك ها شسويت ....يوم الالنه وننخطب
ابوك بالمطبخ وهوه يهلهل
كللللللللللللللللللللوووووووووش ابني الهيبه راح يعرس كللللللللللللللووووووش

وتخيل روحك لابس بدله بيضه يبوووووووووو شلون منظر رهيب يعني تطلع رصاصي
هههههههههههه

تقبلوا ودي
اخوكم
الحيـــــ ــــــدري

احدث المواضيع:

• واحد خابر صديقه على التليفون
• خفة دم و مواقف طريفة في الحج
• شاعر كيكي يلقي ابوذية:
• بالقرآن صايـــــــر چني تفاحه.....
• في ﻭﺍﺣﺪ ﻗﺒﻞ ﻣﺎ ﻳﺘﺰﻭﺝ ﺍﺑﻮه عطاه ﻭﺭﻗﺔ
• اسئلة عراقية مالها داعي !!!!!!
• ثلاثة شباب تراهنوا منو يخلي الشيخ يسب ويغلط ...
• قال نابليون ^_^
• ربْي ان كاَن [موتي] راحه لهم !
• استخدامات كلمة عيني بين العراقيين =))

[روحي محتارة]

هاي قـــــــويــــــــــــــــــه
ههههههههههههههههه

[فيلسوف الحب]

ناعم: احم احم الس سسسلام عليكم(غير خير خرب عمي)

حلوة ههههههههههههههههههههههههههه
ههههههههههههههههههههه

كلشي يصير بهاي الدنيا تنكلب يكومون البنات همة يجون علينة خطابة

عاااااااااااااااااااا ما اصدك خخخخخخخخخخخ

[اسد الرافدين]

ههههههههههههههههه والله قويه خرب

[ۅرډة فـޢޢـرنـޢޢـسـޢޢـآ]

ههههههههههههههههههههههه خربت ضحك خربت تجنن صدك حلوة عاااااااااااشت الايادي