اليوم ضوجتكم بس ميخالف

[سََـ,,ـفِــير الـَـحُبــ,,ـ]

شلوكم اخباركم عساكم بخير
مني الكم هاي الابوذيات

بقيت لوحدي كمت احجي ويه حالاي
دموع العين مو نشفت ش حـــالاي
ادور اسنين من عمري وحــــالاي
مثل غيمة سمه وتمطر عليه

.................................

جبير الهــم على كلبي وعـلى جلاي
ومايـــنفع دوى لعــلتي ولا جــــلاي
ضربني ضربة محــمد علي جــلاي
ومن اول جــولة طــحـت بـرديـــــة

................................

الدهر من يوم فركَانه شملنه
جزانه وجنّه ما يدري شملنه
النوايب شتتن منه شملنه
بعزر بعض وبعض حدر الوطيه

................................

مضالي من العمر خمسين عاماي
مثل مجنون طب وطلع عاماي
هاي تكول بويه وهاي عاماي
من سلم بعد ما ظل ذوق إليه

................................

وكتي وليريده عمل ماراد
بعالي الصوت أصيحن يرد ماراد
هلال اللي مشه ميعود إليه

................................

بعد ما اذكرج بحالي و اشعرج
انا بنثرج جنت نغمة و شعرج
تلاكن حظي و عيونج و شعرج
سواد و صار يومي اظلم علية

...............................

أصد وازعل وادير العين طبعان
لجن لجمات إلك بالقلــب طبعان
حلو بكلشي لكن بيــــــك طبعان
تـشــــك وتــغار بيــــــــها عليه

.................................

على ضيم الهوى ياروحي علمي
بيهة ارفعت من هاليوم علمـــــي
سألتها المستوى كالتلي علمــــي
سادس ومنو الينشد عليـــــــــــة

................................

دكرب يلي بدنياي وناس
خزرني وصد حبيبي وكال وناس
كتله انطيني بوسه كال والناس
كتله كلهم اخو و يبوس اخيه

................................

حبك بالكلب ياصاح ضلضل
من تعبر علينه يصير ضلضل
تريد اتروح لا لتروح ضلضل
لانك لو رحت شيصير بيه

...............................

شمس لو نور وجناتك وجن بيك
ويظلمك من يوصف وجن بيك
اعذرة الهايم بشوكك وجن بيك
صفات البيك بس بالحور هية

...............................

شمجبل جبلتي تصير يدها
وجيت اخطب انة اليوم يدها
احبهة وهية بظهر يدها
وهي تحبني وابوية بظهر بية

..............................


شتعتقد حبة هواية
اذا انتة النفس يعني هواية
احبك حيل تدريني هواية
بكثر حب الجرف لاطراف مية

..............................

اكلت المستوي بجفاك وني
اون وعبر ذاك الصوب وني
اصرح من هنا مشتاق وني
احبك لمن ما تدنه المنيه

................................

هله يمضرب اشكر بسمراني
وشل جسمي جماله بس مراني
حجه ودري بكلامه بس مراني
يحاجي بروحه بس يقصد عليه


.................................

نومي اجى طيفك وعاني
وانا لاجلك حبيبي اسهر واعاني
احبك لان انباري و عاني
ابن عمي وتظل غالي عليه

................................

هله يابعد ابوي وبعد يداي
وعليك هواي جرح الكلب يداي
احبك يوم ابوي بضهر يداي
بنساه امي وهواك العم عليه

................................

الفاظلك بالطيب فضلة
ومثل مافضلك على الناس فضلة
اشكرة مو جزات انكار فضلة
يجيلك وكت هم تحتاج فية

...............................


انشاء الله عجبتكم
ولو ضوجتكم لان هواية
وانطوني رئيكم

تحياتي&سفيرالحب

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[Zaid Al Hialy]

عاشت الايادي الحلوة عالموضوع الحلووو
تقبل مروري و تحياتي

[نونه البزونه]

منور بمواضيعك الحلوه

[HiT_M@n]

مشكوووووووور ورده ..

تعيش ..

منتضرين جديدك ..

[عابر سبيل]

مشكوررررررررررررررررررررر على الموضوع

[عابر سبيل]

مشكوررررررررررررررررررررر على الموضوع

[عابر سبيل]

مشكوررررررررررررررررررررر على الموضوع

[سفير البصرة]

(¯`'•.¸(¯`'•.¸, _________________ , .•'´¯) .•'´¯)
(¯`'•.¸(¯`'•.¸««««««««««««»»»»»»»»»»»¸.•'´¯).•'´¯)
--==>>>---> ألف شـــــــــــكر وتسلم الأيادى <---<<<==--
(_¸.•'´(_¸.•'´««««««««««««»»»»»»»»»»»`'•¸_)'•.¸_)
(_¸.•'´(_¸.•'´¯¯¯¯¯¯¯¯¯¯¯¯¯¯¯¯¯¯¯ `'•.¸_)`'•.¸_)

[طيبتي اكبر همومي]

يسلموووووووووووووووو على الموضوع تحيتي