ما أحبك جذب

**جلنار** · 2011-04-09, 11:45 PM

ما أحبكَ جذب صدكَني ذايب بيك
وآذا أدورعليه بيك تلكاني
وأذا هذا الأكوله تظن أبالغ بيه
تكَدرتنسحب بس تكدرتنساني
وما أكَلك جذب كَبلك ماحبيت
بس يوم العرفتك أنولدت من ثاني
وهسة أني طفل مايعرف يضم أسرار
وتلكَه البلكَلب بسرعة على لساني
أحبك كلمة ماتستحقهه والله
لأن كلمة أحبك ماتروي وجداني
وماتهمني حروف الكلمةمن تنكَال
بس همني الفعل وشتحمل معاني
لأن أنه من آحب أختلف عن الناس
وماأكَلك طبع ولاسررباني
ولاأكَلك ملاك أني يفلان
بس تلكَله الصُدك من تدك بيباني
أحبك كَالوهه كَبلي هواي
وبيهه ماأهم وأتركهه تعاني
عندي لهفة ألك شايلهه من أسنين
وأظن كلمة أحبك ماتطفي نيراني