نهر من المحنه أمي

**جلنار** · 2011-04-06, 09:11 PM

نهر من المحنه

أمي

أبوس تراب رجلج يا عمود البيت
وأسمج يمه بلساني شغلاته

ألج ثلثين عمري وفدوه كلشي يروح
وثلث ما دامج وياي شحلاته

بالثلثين أبر وياج معقول؟
لان شخصج نذر عمره وحياته

نذرهه وربه وأتحمل عذابات
وقاست والزمن تكتل قساته

نهر من المحنه ونهر من الطيب
واكبر من نهر دجله وفراته

وكف شاخص أكبالج صبر أيوب
ورجع خجلان أخذ منج صفاته

يا عفة العفه المستحه أترجاج
وأخذ من عفتج طول عباته

يا شجرة الخير وهبه من الرحمن
يا أم الوفه وطيب التفاته

بساعات المنيه وبوصية موت
أخاف عليك يمه من الشماته

توصيني ييمه لو دنه الموت
بنادم يدري ومسجل مماته

رايح للكبر ما ياخذ وياه
غير أعماله وي صومه وصلاته

احدث المواضيع:

**ورد البنفسج** · 2011-04-06, 10:24 PM

رووووووعه
تسلمين ورده
عاشت ايدج
دوم هل ابداع
مع حبي

**جلنار** · 2011-04-08, 10:55 PM

منوره حبي
...............

**ملك القيثاره** · 2011-05-10, 02:50 PM

من الجميل ان ارى قصائدي تنتقل في اروقه مننديات الشعر الشعبي
ولكن أتالم لعدم ذكر مصدر النقل او كاتب القصيده الحقيقي
تحياتي لكم
عمار المدني
كاتب هذه القصيده