راسي جيبــــــــــــولي قوري .. اي لا كــلســاع جــايـــبيلي استكانة!!

[Ѕ€ŊЇ ЅęνΊЎσřύm]

شلونكم حبايب .. ان شاء الله زينين
نوري و سعدية جمعتهم قصة حب عميقة
زملاء 2 ويانة بالكلية حبوا بعض حب ما ينوصف .. نوري كل سنة من الاوائل وسعدية كل سنة دور ثاني وبالكوة تنجح..
فد يوم بالامتحانات النهائية : قبل موعد الامتحان سعدية اتكافشت من صباحية الله وية بدرية صديقتهه لان سعدية عيبت على شعر بدرية ..بدرية برستيجها ما يسمحلها وحدة اتعيب عليهه .. فعلك العياط والمكافش بنص الكلية للستار.. أجوا جماهير غفيرة لمشاهدة وقائع النزال النسواني .. نوري اجة طاير وبكل استبسال جط كالطرزان ودخل بيناتهن ديفاككهن .. بدرية هم عياط فأجة خطيبهه كالطرن شاف نوري لازم بدرية حتى ميخليها تضرب سعدية فيكوملة طراب وطريب طاااب وطيييب ..كسَرة اتكسر .. وجطّلة بالكاع جطّلة اللذين لم ينجطلوا من قبل .. خابروا علاسعاف واجوا شالو نوري للطوارئ .. صارت ساعة 8 الكل دخل يمتحن ما عدا نوري اللي جان محضر نفسة زين حتى يدخل الامتحان ..بس تاليهه دخل انعاش 14 يوم

فطلع نوري دور ثاني وسعدية نجحت ..


طلع نوري من المستشفى شاف سعدية ضايجة كلتلة: امشي اني زعلانة منك .. ماااااا بعد ما احجي وياك
اولا كسرك خطيب بدرية لو تحبني صدك ومقدر جمالي جان انت كسرتة ..
ثانيا شكد لئيم اشو مجبتلي هدية مال نجاح




مرت الايام و
فد يوم نوري اجة لكة سعدية كالبة خلقتها ومتتحجة اتعاركوا فأسرد قائلاً :






آآخ يا دنــــيـا يا دنـيا دوووري******* على من باعّـنــــــــــة ورخّص غَلانة


آآخ يا دنــــيا يا دنيـا دوووري******* ولفـينـــــــــة مـثل شـدة لــــــــهانــة


جـيت افرشلها الارض جوري******* واعرضلـــــها قــــلب مفتـوحة بيبانة


ياسعدية شلونـج انــي نـوري******* بس جيت من الضحك شفتها خربانة


كلتلي هلا بابن مرقـدي يـوري******* اشــــــو ماكو بمـيلـودي ولا بروتانا


يا سعديــة شبيـــــج اني نوري******* ولـــج هـذا يا يوري! هــــــــــــذا آنة



ايبـاخ اي هسـة تنـســين نـوري******* ابن خــير الــله وعــمـتج ريــــحانة


كالت اصنـف واشبـــّع غروري******* وخــــلِ الناس اتـكول عنـي بطــرانة


كالـــت اريد قصـر يزّيد سروري******* وبــــراس صاحبـة تنْرفع تيجانـــــة


كالت اريـدة ستايل كـلة فرفـوري*******والخــدم يــــوكفون مثل الشيلـمانة



واجهزتي ناشنال كلش ضروري*******واني غسالتي عاطلة وبطرك النجانة


شكللهه هاج قصر من قصـوري*******حتى من التصنــيف روحـي طفرانة


الجرباية مجروخة,مكسور كنتوري******* وحالتي من القهر صايـرة تعبانة


والمكتالة كل يوم اتسجل حضوري******* شوكت يلزمني ويفعصلي ذبانة


وصرصر البيت يدلعوه صرصوري******* والقاق والمييع بدجاجاتة وخرفانة


كلتلي ايع اوووي دعمك اللوري******* عفية لتركّصلي نفسي وهي لعّبانة


كلتلي اشطح لا اخرج من طوري******* وشفتـها مـن الغضب حيل حمرانة


آخ راسي من ضــــــــربة البوري******* ابـو انـجين وبـطـــــول سبـــطــانة


آخ راسي جيبــــــــــــولي قوري*******اي لا كــلســاع جــايـــبيلي استكانة


ولا كلساع جايبلي استكانة

احدث المواضيع:

• واحد خابر صديقه على التليفون
• خفة دم و مواقف طريفة في الحج
• شاعر كيكي يلقي ابوذية:
• بالقرآن صايـــــــر چني تفاحه.....
• في ﻭﺍﺣﺪ ﻗﺒﻞ ﻣﺎ ﻳﺘﺰﻭﺝ ﺍﺑﻮه عطاه ﻭﺭﻗﺔ
• اسئلة عراقية مالها داعي !!!!!!
• ثلاثة شباب تراهنوا منو يخلي الشيخ يسب ويغلط ...
• قال نابليون ^_^
• ربْي ان كاَن [موتي] راحه لهم !
• استخدامات كلمة عيني بين العراقيين =))

[Zaid Al Hialy]

عاشت الايادي الحلووة عالموضوع الحلووو
تقبل مروري و تحياتي


68::

[عابر سبيل]

شكرا على الموضوع

[AbO RiShA]

الف شكر عاشت الايادي