زنجيل للشاعر نائل المضفر (مو مــــن اهــــــــلك)

[وـرـرده فـرنـسـيـه]

"
لانك بالتزامك مو من اهلك
اخاف تشيل ذنبي مو من اهلك
منو بكدي يحبك مو من اهلك
^^^^^^^^^^^^^
منو بكدي يحبك من عشرتك
ونتمنى نصيرن اصبع من عشرتك
ونا شكضيت خايب من عشرتك
^^^^^^^^^^^^^^
اعد سنين هجرتنه وهج روح
وحس ويه النفس يطلع وهج روح
وخيرا كتلي ودعني وهج روح
^^^^^^^^^^^^^^
اروحن وين مااكدر هوانته
وانا الماهان من اجلك هوانته
الي بدنياي شي واحد هو انته
^^^^^^^^^^^^^
وحرت بين انت تركته وان تبعته
انا الونيت والون ون تبعته
ماباعك حبيبك وانت بعته
^^^^^^^^^^^
حبيبك باع عمرة واشتراك بيه
وحزن كلبي اعلى حزنك واشترك بيه
بعد شدوس كلبي وشترك بيه
^^^^^^^^^^^^^
جبل حبه تكلكل لنتكل بيه
ويدنيه شما دفعتي لنتكل بيه
واذا تنسا ياكلبي لنت كلبي
^^^^^^^^^^^
ولا اريدك بعد وبصدري احملك
حبيبي شلون ترضه بصدر حم لك
واذا حملك يتعبك بصدري احملك
^^^^^^^^^^^^^^^
انا روحي الارض وشكد دولهه
وتداوي الداء لو بالموت دولهه
بس العين مايحصل دولهه
^^^^^^^^^^^^
دواهه العين خلهه من تقر بيه
وتصب كلما تقربك ومنت قربي
ولك شيصير حبك من تقربيه
^^^^^^^^^^^^^
وتحبني انت تعين بصدري موشك
والف شوكه السكوت بصدري مو شك
ذبح كلبي واتشضه بصد رموشك
^^^^^^^^^^^^^^
وعرف محد يدفنه وش دفن شي
وعكب صدري المواكد شي دفن شي
كفر من رسم غيرك شي دافنشي
^^^^^^^^^^^^^^^
واضن بالجنه يدخل من يرسمك
حبيبك يمسح اسمه من يرا اسمك
وسمك حبي بجمالك من يرسمك
^^^^^^^^^^^^^^
وانه الليل بعيونك شفت كحله
وشفت شمس الاصيل وشفتك احله
العسل من ضكته كلك شفتك احله
^^^^^^^^^^^^^
اذان لو من شفافك بستك اشفى
اذا انت المات يعدل بس تكشفه
شتظن حبك يضعفك بس تكشفه
^^^^^^^^^^^^^^^
وعلى تخفي اهتمامك واكتراثك
وانه من مات كلبي واك تراثك
نسيت الحب الاول وك تراثك
^^^^^^^^^^^^^^
صدك ينسه تراثه هسة جيلك
ودشوف سواجي عيني هسجيلك
انادي وماتكلي هسة اجيلك
^^^^^^^^^^^^
صحتك يا وصارت كبريائي
واذا رائيت بالشط كب ريائي
حبيبي شلون تجرح كبريائي
^^^^^^^^^^^^^
وتذلني كبال كل ناسك وناسي
وعفتني بصحرى شاتلني وناسي
ناس تكلي لاتقبل وناسي
^^^^^^^^^^^
لان كلش مذلتي لاكتلهم
وجبل حبي المقدس لاكه تلهم
كالو حيل ذلك لاكلت الهم
^^^^^^^^^^^^
عنايه احتاج كلبي وجاي اعاني
وخفيت شكثر منك جاي اعاني
تمرمرني من ازورك جاي عانــي
^^^^^^^^^^^^^^^^
شكثر ندمان جي بيتك عتبته
وعرفني الباب من دكتي وعتبته
عتابي وياك جي احبك عتبته
^^^^^^^^^^^^
كلبي شلون يمهم وك كسرته
اسير وذل شكالك وك اسرته
مو كبل جانت اسرتك وك اسرته
واسرتك هسة سمتني الضحيه

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[HamaDa]

خوش زنجيل حربط السياره بيه ههههه
عاشت ايدج ورده

[عراقيه حلوه]

كلاام كولش حلووو
يسلموو وردايه
ودي

[وـرـرده فـرنـسـيـه]

ههههههههههه جيبلك قفل حماده هع
منورين عيوني

[عـ,ـرآقـ,ـيـ,ـة آلُـ‘ـُكُـ‘ـُلُـ‘ـُ]

عاشت الايادي وردة موضوع حلووو
تحيااااااااااتي

[ۅرډة فـޢޢـرنـޢޢـسـޢޢـآ]

عاشت الايادي موضوع حلو روعة
تحياااااااااااااااااااااااااتي