طلع ريش الكباحة

[رفيق الاحزان]

طلعلك ريش الكَــْـباحه وتريد اتطير
ولعشـّـــي الحواك اتكَـول بس كافي

أنه امـْـتدّيتلك دجلة وحنيني اضفاف
خذت طبع النوارس من على اضفافي

لاتهجي الجمر لو ماكَـدرت اعليهْ
ناقش سبب ثلجك وانبش الخافي

ومد رجليك خايب على كَـد اغطاك
كَـبلك ألف مثلك غطـّـه لحـّــــــــافي

ورْدك خل أذكرك يل كَـلت صفصاف
يجي يشبكَـ ابلهفه النده بصفصافي!!

تجيني مشتعل صاير ( سقر ) ولهان
تطفه بـ ( عدن ) حضني وآنه ماطـــافي

وبشفافي اذبحك حد نزيف الشوكَـ

وايـْـوشـّـل نزيفك ترد لشفافي

آنه أعتب عليه أسرفت حيل اوْيـــاك
وبحبـّـك شطح واتماده اسرافي

عبـّـالي بلم بيك اعبر الآهات
تالي ابـْـشاختك هل ركس مجذافي!!

وعبـّـالي توافي بيوم شلتك نار
هدل كلشي بعذابك ماعدا اجتافي

وارْضيتك ملح لجروحي تالي الليل
تسهرلك تلولي لجرْحك الغــــــافي

عفيه اشكَد صلف ما غزّرن ويـّــاك
وابـْـخابط اتردّه الفاضلك صافي

أشاكَـفهه بـْـركَـبتي اللي تجيك سـْيوف
واتجازي ركَـبـْـتي اتصير سيـّـــــافي!!

ابـْـرمـْـلك ماضربت التخت من حبـّـيت
ردْتك أبو امرايه اتصير عرّافـــــــــي

لكن بالمـْـرايه اخفيت غيضك ناب
بأوّل فرصتك واغرزته بأطرافـــــي

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[ۅرډة فـޢޢـرنـޢޢـسـޢޢـآ]

عااااااااااااااشت الايادي كلام روعة
تحيااااااااااااااااتي