ضيعتـــــك حلم مر ابخيالي وراح

[رفيق الاحزان]

ضيعتـــــك حلم مر ابخيالي وراح
حسبالي حقيقـــــه وفتحت عينــي

وبيقت اسال عليك وما كَدرت الكَاك
توجيت اعله صبري ولهفة اسنينــي

أبحر بالدمع واشراعي صحبة طيــف
يا مرسى وأصدّكَ بي تتانـــيـــني

مرات اقتنع واتخيـــلــك مـوجود
وهاجس ما عرفته ايكَلي ناسينـــي

بتراب الشفايف تنفدن ضحـــكــات
والسان الدمع للناس يحجينـــــي

يا نجمه ابسماي اشكَد بعيد اتصير
وعن كَطره ابّحر ياهو اليدلينـــي؟

يا موتي وحياتي وعازتي وسلــواي
يا موت الأصدكَه ايريد يحيينــــي

يا آخر أمل ماظل امل للـــــروح
يا اصعب جرح ما كافي تاذينــــي

بستان العمر ما خله منه البــور
وظل ينعى ابشجن صحبة رياحينـــي

اشظل من الدموع وما بجيته اعليك
وانه اعيوني صبت دم شرايينــــي

ومشدود اعله زندي الهسه حرز الضيم
ونه امصدكَ جنت من وكتي يحمينـــي

مشاني ابمتاهه وبين حسره ونــوح
تجاعيد الوجه كتبت عناوينـــــي

خلص ثلث العمر يم يامحطه الكــَاك
تعال وتدري بيه الجزن لافينــــي

آنه ابعازتك ميت واريــــدك روح
ونته ابيا وكت من موتي تحيينـــي

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[ۅرډة فـޢޢـرنـޢޢـسـޢޢـآ]

عااااااااااااااشت الايادي كلام روووووعة
تحيااااااااااااااااتي

[اميرة الاحساس]

خلص ثلث العمر يم يامحطه الكــَاك
تعال وتدري بيه الجزن لافينــــي

آنه ابعازتك ميت واريــــدك روح
ونته ابيا وكت من موتي تحيينـــي>>>رووووووووووووعه تسلم الايادي قلبوو