ممكلة الشفايف غزلية لحد الجنون..

[رفيق الاحزان]

ممكلة الشفايف
غزلية لحد الجنون..

يوميه الشوارع تكعد اتانيك

اجدامك للشوارع صارن المرهم

خطواتك خرس ماتحس بيه الكاع

لكن لومشيت كلوب تتهدم

يالشعرك سيوف تدير بيه الريح

واذا بس تلتفت كل احنه نتعدم

شدّه من الورد مو صدر هذا البيك

ودنيناك ردنه من الورد نشتم

من تمشي حرس هارون يمشي وياك

وكدام الرشيد وعرشه تتقدم

واذا تكعد يجي يهفيلك المنصور

وكسرى وكل عبيده الموكبك ينظم

حمورابي عله ظهرك كاتب القانون

ونفتح زيج ظهرك حته نتعلم

سألوني عليك المنك يغارون

كلتلهم ورد هو الورد ينذم

شتتلثم بعد مايمر بيك تراب

ولك هيه الطبيعه اشلون تتلثم

اضمك بالشمس عن عين اليحسدون

لان هيه الشمس بس بالشمس تنظم

ورموشك ليالي تخيم عله الناس

ومابيهن نجم بيهن بشر ملتم

حبك موذنب مو اثم نؤثم ليش

بس المايحبك يخسر ويؤثم

لاتندم اصبعك منخلق للبوس

واذا عضيت اصبعك احنه نتندم

رسول الحب عليك الناس كلهه تكول

وبس حازم الكالو من اجيت اسلم

خريطة وطن كلبك شايل اشكد ناس

وشعر راسك علم فوك الشعب خيم

رمشك لو طبك تنجرح ناس هواي

ومثل كص المكص من كل كتر يلهم

لذا كل الجنائن علكوهن بيه

خاطر بين فتره وفتره تتقلم

يالنومك فراشه وكعدتك وردات

بس كلي الفراشه بنومهة شتحلم

من يوم العرفتك ماشربت الماي

اشلون الماي اشربه وشفتك زمزم

يالخصرك قصيد وشاعرك مجنون

وكل ساعه قراهه بحجة المهتم

من شفت العسل وياك كلت اخوان

لان خذت الشبه بيناتكم عالدم

الشفايف مملكه ونحرسك ابوسات

وعله طول الشفايف بوس نتقسم

************************

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[امیره الشوق]

[رفيق الاحزان]

[اميرة الاحساس]

ورموشك ليالي تخيم عله الناس

ومابيهن نجم بيهن بشر ملتم

حبك موذنب مو اثم نؤثم ليش

بس المايحبك يخسر ويؤثم

لاتندم اصبعك منخلق للبوس

واذا عضيت اصبعك احنه نتندم

رسول الحب عليك الناس كلهه تكول

وبس حازم الكالو من اجيت اسلم....رووووووعه حياتي دووم الابدااع حبيب قلبي

[ۅرډة فـޢޢـرنـޢޢـسـޢޢـآ]

عاشت الايادي موضوع كولش حلووووو
يسلمووووووووووو

[امبراطور البصرة]

كلش حلوة ورومانسية والله روعة عاشت الايادي يا وردة تحياتي الك

[عـ,ـرآقـ,ـيـ,ـة آلُـ‘ـُكُـ‘ـُلُـ‘ـُ]

تسلم الايااادي وردة موضوع راااائع
دوووم الابداااااااااااااع
تحياااااااااااااااااتي

[مستبدة]

عااااااااااااااااشت الايااااااااااااااااادي