ابو ذيات

**سامحني يا موطني** · 2011-09-02, 06:45 PM

سهم نابت بلب حشاي ماضي
وعلى كتلي بهواه المحب ماضي
عشرتي وياك صارت فعل ماضي
وصفت لليوم حاضر بالاذية

علي طيفك ابتالي الليل هدهد
يمن حبك سحرني ابعظم هدهد
من الزمك لا تكلي ولك هدهد
وحك ربك احظنك للمنية

قدر مكتوب حبك وانتة قسمة
الواحد مالة ناتج من تقسمة
لون بسيوف كلبي من تقسمة
دشوف معزتك شنو امسوية بي

وصله.....
يا صاحب هاك اخذ مكتوب وصله
واريد اعرف عمامهمنين و اصله
كلبي عليك صار 12 وصله
كل وصله تصيح جيبواليه

مرعلينه......
ترف يهل تمشي بدربك مر علينه
عزيز ونرى فراكك مر علينه
انابعز نومي طيفك مر علينه
دخيلك لا تكطع الوصل بيه

زماني جرد اســيوفه وسنهه
عليه اوحرمــت عيني وسنهه
وحقاللي فرض خمسه وسنهه
بعد هيهات عيـش ايصير اليه

احبك من تصل لية واصل ليك

وكطع عمري بفراكك وصل ليك
احسك ركعة كل ساعة واصليك
واصيح الله واكبر حن عليه

**ۅرډة فـޢޢـرنـޢޢـسـޢޢـآ** · 2011-09-02, 07:38 PM

عاشت الايادي كولش حلوة

الملف الشخصي · 2011-09-12, 03:19 PM

عاشت الايادي موضوع رائع وجميل
دوم الابداع
تحيتي

الموضوع: ابو ذيات