سجل حضورك بأبوذية

**ۅرډة فـޢޢـرنـޢޢـسـޢޢـآ** · 2012-01-20, 12:39 AM

محبتك شطرت اكليبي شطرتين
شطر زيتون والثاني شطرتين
ادزلك مو شطرة شطرتين
بعد قلعة ورفاعي وناصرية

**ۅرډة فـޢޢـرنـޢޢـسـޢޢـآ** · 2012-01-20, 12:40 AM

الوكت عن المكارم مالهانه
انه الغيره املكتني مالهانه
الوكت بنسبه اليه مال اهانه
استحقره بديه ويبوس اديه

**ۅرډة فـޢޢـرنـޢޢـسـޢޢـآ** · 2012-01-20, 12:40 AM

ما شاء واضن اليوم شاءلك
وعلى راسه احس الكلب شالك
على شعرك لون ذبيت شالك
تذب عا لروح طركاعه وبليه

**ۅرډة فـޢޢـرنـޢޢـسـޢޢـآ** · 2012-01-20, 12:41 AM

عشكتك عشك ذايب ما هواني
وكلبك جنه عمدا ما هواني
علي كمت ادور ماهو اني
ضعت بلكت تجي ادور عليه

**ۅرډة فـޢޢـرنـޢޢـسـޢޢـآ** · 2012-01-20, 12:42 AM

دبس صارت محبتنه وراشي
ودلالك هذا موخالي وراشي
لجل عينك صرت مرشي وراشي
يا احلى واعز محبوب اليه

**ۅرډة فـޢޢـرنـޢޢـسـޢޢـآ** · 2012-01-20, 12:44 AM

وحق من صاحت الأكوان بسمة
علي الخلة أثـــــــر بالدين بسمة
موالي عندي طاري الموت بسمة
لأن حيدر كفيلي ابكل قضية

**ۅرډة فـޢޢـرنـޢޢـسـޢޢـآ** · 2012-01-20, 12:45 AM

مهرتي راكس بطينة كحله
وصفيت مدوهن وحالي كحله
راح الجان لعيوني كحله
وبقة الماحب تشوفه عيون الية

**ۅرډة فـޢޢـرنـޢޢـسـޢޢـآ** · 2012-01-20, 12:46 AM

لاحبه روحي بروحه0000مذابه
زعل مني لو ادري 00000مذابه
ذبني بلاسبب وانه000000مذابه
هجرني وصاح حبك بس اذيه

**ۅرډة فـޢޢـرنـޢޢـسـޢޢـآ** · 2012-01-20, 12:47 AM

شكو قي محبتي شكو بيها
وكوما اشواك صدك شاكو بيها
كلتلك بوسه رايد شكو بيها
عليش اضوج وتنك عليه

الملف الشخصي · 2012-01-23, 02:50 PM

شكو قي محبتي شكو بيها
وكوما اشواك صدك شاكو بيها
كلتلك بوسه رايد شكو بيها
عليش اضوج وتنك عليه

الموضوع: سجل حضورك بأبوذية