يالعندك أحلى أسـم مرسوم وجهك رسـم

[•-IvI€®ôO-•¹]

شوفتك صارت حلم راودني لـيلـية
جنك صرت بالكلب نبضي ويدك بية
يالعندك أحلى أسـم مرسوم وجهك رسـم
سبحانه من صـوّرك وإنـطاك هـذا الجسم
النظرة ترمي شــررتسودني مـن تبـتسم
عمي انت ما أظن بشروبهـاي أجزم جـزم
كلــمن يعـشكك هلــك
وك كلـي منـهــو هلـك
والــدك يمـكـن ملـــك
والجابتك حورية

عمي أنت ماأظن بشر مايشبهك كلشي
من تمشي فوك الارض جن عالكلب تمشي
خطواتك اتناسقت شنهو انت ريم الفلا؟
عيونك بلى وحاجبك يمطر سـهام البلى
أتمنى اوصل هلــك يم والدك واسألـه
ترضـاني عمي عبـد خادم الك لـو إله
من الفرحة أطير وعلي لو كال ميّة هــلا
ولو رفضـني أضـل بهمومي يومية

عمي انت ماأظن بشر سبحانه من سوّاك
وأنطاك رقـة وتـرف تكبر علي خـــلّاك
حقـك تكـبّر بـعد ولأمـــرك آنه أمتثل
ياكمر وجهك يشـع ومناطرينك تــهل
طولـك غصن ياترف بالـناس مالـك مثل
والشعر فـوك الـمتن ليـل الشعر منسدل
والضحكة تسمـع نغم أخذتني ماضل عقل
كلشي بصفاتك حلو ماترحم شوية

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[$بريق الماس$]

كلام جميل جدا
دوم الابداع عيوني
مشكور عيني
تحياتي
وديـــ

[•-IvI€®ôO-•¹]

شكرااا عيوووني على هذا المرووور الجميل

[$بريق الماس$]

العفوووو عيوني يدللوو ^_^

[ۅرډة فـޢޢـرنـޢޢـسـޢޢـآ]

والشعر فـوك الـمتن ليـل الشعر منسدل
والضحكة تسمـع نغم أخذتني ماضل عقل
كلشي بصفاتك حلو ماترحم شوية

عاشت ايد الي كتب هيجي كلام يخبل
ما عندي اي رد يوصف جمال هاي الكلمات
مشكورررررررررررررررررررررررررررررررررررررررر

[•-IvI€®ôO-•¹]

شكرا الكم حبايب كلبي يمعودين والله دتخجلوني هع هع تره استحي