متغير حبيبي

**~MEMe AnGeL ~** · 2012-02-10, 10:29 PM

ومو على اوضاعك ..
كلي شصار بيك وبدل اطباعك ..
صاير ماتجاوب من ادك عليك ..
وبرد الرسائل خافت اشعاعك ..
جوالك سكت لا مسج لا مسكول ..
جان بكل دقيقة يفيض بأبداعك ..
ياخذنا الوكت ونسولف آني وياك ..
ونغرد سوى بألحان ايقاعك ..
ولا يخلص حجينا وتخلص الساعات ..
ويصفر رصيدك وآني سماعك ..كل يوم الصبح ترسل صباح الخير ..
وبكل كلمة منها يفوح نعناعك ..جنت من دكة وحدة اهلآ حبيبي تصيح ..
هسة المشترك لا يرد قد باعك ..
حاول مرة اخرى المشترك مشغول ..
بلكي بوكت ثاني يشرف اسماعك ..
صاير هاتفك خارج نطاق الكون ..
مو بس بالعراق ويصعب ارجاعك ..
جنت اتكول اتمنى الزمان وياك ..
يوكف وبحنان اتوسد اذراعك ..
وتزعل لو كلتلك راح بعد اسبوع ..
يتفرق شملنا ومشكلة اقنــــاعك ..
عشت ابحر حبـــك وانت بي سفـــان ..
هسة ابحر هجرك شــــايل اشراعك