شتاگيتلك واعتب عليك

**HamaDa** · 2012-02-12, 01:16 PM

گلب بالحزن صار بسبب فركاك

وانت مسافر ولا مره تجينــا

ولا فكرت مره بگلـب يهواك

يحبك و تعرف اشواگه وحنينا

حبيبي ما عندي گلب ينسـاك

بس عندي گلب بيدك رهينا

لو تدري الدمع شصار بجفـاك

يحرگنا حرگ وانت التطفينا

لا مرك حـزن لا مـرك فـراك

لا مرك الشوگ وفكرت بينـا

بس ارد أسألك ياهو الي قســاك

من عدنا السبب يلا دبچينـــا

حتى احرگ بروحي بشوگ ملگاك

واخليها بگبر بعدك دفينـــــا

شعري الي اكتبه احتار ويــــاك

اكتب عالبعد واسمك عناوينـــا

والقلم لو يكتب يجي طــــرواك

ويرسلك عتب يلي امبچينــا

كافي من البعد والگلب نــاداك

غادرها الفرح نورس شواطينــا

تدري انت لو زعلان شتسوي بيه

اني وگليبي وياك نزعل عليه